Congregatio de Causis Sanctorum 747

tatem Matris Mechthildis a SS.mo Sacramento (in saec.: Catharinae de Bar),

fundatricis, conformata.

Fidelis haec testis Christi die 6 mensis Octobris anno 1867, in loco, quem

Vervio appellant, apud Sondrium in lucem edita est, maxima natu decem

liberorum, nec vero una sacram conversationem optatura: nam Barbara soror

(quae Mater Iosepha) Benedictinis ab Adoratione Perpetua in Monasterio

Ghiffae ipsa se sociam adiunxit, frater autem Azzo sacerdotium capessivit.

Aloisia igitur, dum in domo honestate fideque imbuta degit, ingenio et ala-

critate praedita adolevit; sacroque chrismate obsignata est anno 1871 in

pago, quem vocant Berbenno, quo familia migraverat.

Processit Aloisiae puerilitas sub moderamine matris, quae liberis educan-

dis diligentissima erat. Puella denique alumna vixit in Collegio Sororum

Marcellinarum in loco, quem appellant Vimercate, ab anno 1880 ad annum

1884: quo quidem spatio ipsa aperte sensit se divino quodam afflatu ad

salutaria consilia profitenda vocari. Cum autem ad suos rediisset, christianae

doctrinae tradendae infirmisque visitandis se dedit, sincera fide, qua enite-

bat, non sociabus tantummodo, sed familiaribus quoque recti exempli facta.

Postquam vero, Francisco Colturi sacerdote moderante, suam voluntatem

altius perscrutata est, anno 1889, eodem auctore, statuit ingredi Monaste-

rium Benedictinarum ab Adoratione Perpetua in loco, qui vulgo Seregno, quo

moniales illae, ductante Matre Teresia Lamar, anno 1880 pervenerant.

Die itaque 21 mensis Martii anno 1890, haec virgo, religionis habitum

induta, nomen Mariam Catharinam a Iesu Infante sumpsit. Annis autem

1890 et 1891 eadem novitiarum tirocinium in Monasterio Atrebatensi, in

Gallia, posuit, ubi quidem bonis sanctimonialium exemplis instructa est,

tum quia societas et sodalitas earum summa gravitate pollebant, tum quia

ibi Regula et Constitutiones ad amussim servabantur. Aloisia vero, tametsi

studio in Gallia manendi in contrarias partes distrahebatur, tandem promisit

se locum suum in parva Italica sodalitate, apud Seregno exsistente, resump-

turam, ibique die 21 mensis Novembris anno 1891, ipsa se Deo mancipavit.

Adde quod talis femina pietate, caritate in Sorores, prudentia denique apud

socias permagni fiebat. Etenim Famula Dei iam tum illud adhibebat, quod

posterius ipsa «mysticam disciplinam ab Oratione Dominica » definitura erat,

quod est cor quidem in caelo, oculos autem et manus et pedes firmiter in

terram demissa habere, adeo ut summa pietas cum singulari vitae usu mire

coniugaretur.