Congregatio de Causis Sanctorum 751

BISUNTINA

Beatificationis et canonizationis Servi Dei Ioannis Iosephi Lataste (in saec.: Alci-

dae) Sacerdotis professi Ordinis Fratrum Praedicatorum, Fundatoris Congregatio-

nis Sororum III Ordinis S. Dominici a Bethania (1832-1869)

DECRETUM SUPER VIRTUTIBUS

« Quid vobis videtur? Si fuerint alicui centum oves, et erraverit una ex eis,

nonne relinquet nonaginta novem in montibus et vadit quaerere eam, quae

erravit? » (Mt 18, 12).

Presbyter Ioannes Iosephus Lataste, Boni Pastoris exemplum secutus

(cf. Io 10, 11), consumpsit omnes vires ut oves perditas in domum Patris

perduceret. Etenim suum implens pastorale ministerium, operam navavit

ut revocaret eos qui Christum reliquerant; atque ad Redemptoris diffunden-

dam misericordiam inter errantes, novam religiosam condidit familiam, nem-

pe Institutum Sororum III Ordinis Sancti Dominici a Bethania, destinatum

mulieribus e carcere egressis ut ad rectam viam ducerentur.

Servus Dei in oppido vulgo Cadillac-sur-Garonne, dioecesis Burdigalensis,

in Gallia, natus est die 5 mensis Septembris anno 1832. Sua in terra natali

frequentavit scholam maternam Filiarum a Sapientia et scholam Fratrum a

Spirito Sancto. Anno 1841 Burdigalae ingressus est Seminarium Minus. Inde

missus est in locum Pons, ad collegium quoddam, cuius erat candidatos sive

ad ecclesiasticam sive ad laicalem vitam excipere. Hic enim secundaria ex-

plevit studia et anno 1851 publico munere fungi coepit. Anno 1852 Burdiga-

lae adhaesit Conferentiae Sancti Vincentii a Paulo apud paroeciam Sancti

Andreae et curam adhibuit in bonum indigentiorum. In oppido Nérac funda-

menta iecit alius sedis Conferentiae Vincentianae.

Vocatione ad vitam sacerdotalem et religiosam mature perpensa, anno

1857 Ordinem Fratrum Praedicatorum amplexus est iniitque noviciatum in

religiosa domo loci Flavigny. Spiritu servitii excelluit et humilitate, quibus

officia sibi credita exsequebatur, nec non oboedientia erga superiores. Anno

1859 temporariam emisit professionem et anno 1863 sacro presbyteratus

ordine est insignitus. Sacerdotale exercuit ministerium in domibus urbium

Burdigalae annis 1863-1865, Flavigny annis 1865-1866 et Divionis annis

1866-1869. Eminebat maxime ministerio praedicationis, quod praesertim in

missionibus paroecialibus et in seccesibus spiritualibus exercere consueverat.