Congregatio de Causis Sanctorum 741

nus Delegatae, quo diligenter functa est, incumbens praesertim in religiosam

mulierum iuvenum institutionem.

Altero saeviente bello mundiali, domus eius solo est aequata, quamobrem

refugium, simul cum familiaribus, apud vicinias invenit. Licet inter difficul-

tates, fervidam colere perrexit vitam spiritualem, Missae sacrificium partici-

pans et cotidie eucharistica communione se reficiens, cum rerum adiuncta id

ipsi permittebant. Bello composito, pater eius eiusque frater, qui iam antea

adversarii cleri erant, in dies maiore persuasione socialem amplexi sunt com-

munistarum doctrinam. Anno 1947, de licentia moderatoris spiritualis, emisit

votum privatum veluti victima pro peccatorum conversione ac, peculiari

modo, suorum familiarium, qui a fide longinqui versabantur. Sequenti anno,

occasione piae peregrinationis in oppidum S. Ioannis Rotundi, Sanctus Pius a

Pietrelcina confirmavit eam in bonitate et in soliditate voti emissi. Etenim

frater eius, post mortem Servae Dei, conversionem obtinuit. Ipsa constanter

viam sectabatur ad fastigia assequenda evangelicae perfectionis, propriam

crucem post Christum baiulans. In simplicitate, laeto quidem, constanti ac-

curatoque animo christianas exercuit virtutes.

Fides eam iugiter inducebat ad Divinum Redemptorem propius in dies

imitandum. Dominum diligebat omnibus viribus et adductam se praebebat

ad ipsius voluntatem integerrime exsequendam, ita ut propriam sanationem

minime quaereret et paratam se exhiberet ad quodlibet sacrificium perferen-

dum dummodo Ipsi placeret. A quolibet peccato deliberato abhorruit, et

animas maximopere curavit ad Ipsum ferendas, vires impendens in aposto-

latum, praesertim apud iuvenes. Promptam se profitebatur et hospitalem

erga omnes, et non permittebat murmurationibus subici. Proprium nutrivit

spiritum oratione, cultu ad Eucharistiam, ad Sacrum Cor Passionemque Iesu

nec non ad Beatissimam Virginem Mariam. In serenitate et laetitia gessit

aegritudinem, spe caelestium donorum firmata.

Prudentia eminuit et aequitate in quibuslibet adiunctis, unde detecta est

optima consiliaria erga quaerentes eam. Itemque recta ac munifica erga om-

nes nec non diligens in muneribus exsequendis sive apud familiam sive apud

paroeciam. Fortiter innumeras difficultates in se incidentes oppetivit et ex-

probrationes vituperantium vitam Domino consecratam. Modesta exstitit in

indumentis et in modo sese gerendi. Plures spirituales flosculos excogitabat

ut a mundanis rebus se seiungeret, in spiritu evangelicae paupertatis, Sanc-

tum Franciscum Assisiensem vestigiis sequens. In omnibus rerum adiunctis

consiliis obtemperavit Summi Pontificis et auctoritatum Ecclesiae. Adamus-

sim servavit castitatem, tali modo ut haberetur authentica puritatis imago.