Congregatio de Causis Sanctorum 743

VERONENSIS

Beatificationis et canonizationis Servi Dei Francisci Mariae Perez, Religiosi pro-

fessi Congregationis Pauperum Servorum a Divina Providentia (1861-1937)

DECRETUM SUPER VIRTUTIBUS

« Iesus... dixit illi: "Unum tibi deest: vade, quaecumque habes, vende et

da pauperibus et habebis thesaurum in caelo et veni, sequere me". Qui con-

tristatus in hoc verbo, abiit maerens: erat enim habens possessiones multas.

Et circumspiciens Iesus ait discipulis suis: "Quam difficile, qui pecunias ha-

bent, in regnum Dei introibunt" » (Mc 10, 21-23).

Si Iesus, loco illius iuvenis divitis invenisset iuvenem Franciscum Mariam

Perez, comitem, advocatum, genere nobilem ac divitem, fuisset in Spiritu

Sancto laetatus et dixisset: « Confiteor tibi, Pater, Domine caeli et terrae,

quod abscondisti haec a sapientibus et prudentibus et revelasti ea parvulis »

(Lc 10, 21). Ita enim, noster dives comes ad litteram consilium servavit

Divini Magistri Eumque est secutus. Quadam sub ratione Franciscus Maria

Perez est veluti alter Franciscus Assisiensis, fulgidum exemplum nostra in

societate, tot divitiis et materialibus opibus adlecta.

Hic Servus Dei Veronae natus est die 9 mensis Iulii anno 1861, sextus

inter decem liberos, ex comite Antonio Perez ac marchionissa Anna da Lisca.

Duos post dies ab eius natali baptizatus est apud paroeciam Sancti Firmi.

Fervens et integra pietas familiae, quae altissima fide nec non authentica

conversatione christiana est nutrita, contulit ad se spontaneo laetoque animo

Domino devovendum.

Elementaria expleta institutione apud familiam, Franciscus, puer adhuc,

studia perrexit apud Regium Collegium « Carlo Alberto » in loco v. d. Monca-

lieri apud Augustam Taurinorum, cuius curationem gerebant Patres Barna-

bitae, ac deinde Domoduscellae in Novaria apud sodales Rosminianos. Ulte-

rius veluti alumnus externus Veronense frequentavit Seminarium. Adepto

classicae maturitatis titulo apud publicum Lyceum «Maffei », nomen dedit

facultati Iurisprudentiae apud Studiorum Universitatem Patavinam. Titulo

doctoris in iure est exornatus anno 1885, quattuor et viginti aetatis annos

agens.