Congregatio de Causis Sanctorum 745

docendi relinquens vel digniora officia. Etenim, humilitatem et spiritum ser-

vitii eminenti excoluit gradu.

Attamen Frater Franciscus Maria Perez peculiari prosecutus est dilectio-

ne Iesum Christum, pro quo promptum iugiter se praebuit ad proprium

sanguinem fundendum. In «Diario » die 1 mensis Iulii anno 1937, quinque

scilicet menses ante mortem, sub finem cuiusdam secessus spiritualis ita

declarabat: «Desidero, Deus meus, videre te ab omnibus dilectum! O me

felicem, si meum sanguinem effundere possem ut tu ab omnibus hominibus

amareris! Deus meus, utinam tot haberem corda ut cum omnibus te dilige-

rem, et omnium hominum corda possiderem, ad te cum illis diligendum! ». Vir

summae fidei, communionem cum Deo, in quo omnem spem suam reposue-

rat, semper nutrivit.

Omnium rerum anima precatio est. Diuturnas horas transigebat adoran-

do, tempore detracto requietis, immo noctu, dummodo huiusmodi licentiam

obtineret. Simplicitatem et absconditam vitam dilexit; constans exstitit uti

Domino consecratus; patiens et aequanimus inter difficultates et tribulatio-

nes; mitis, comis et in omnes officiosus; sobrius sermone; promptus ad oboe-

diendum maxime Sancto Ioanni Calabria; temperantiam coluit, castitatem et

iustitiam erga Deum et proximum. Usque ad extremum vitae tempus sanc-

titatis viam alacriter secutus est, altiorem evangelicae perfectionis gradum

attingens.

Ad se vocavit eum Dominus die 4 mensis Decembris anno 1937. Mors eius

sancta est reputata, quae ne quodam quidem extraordinario signo caruit.

Praestantior eius vitae laudator fuit dominus Calabria, hodie inter sanc-

tos caelites, qui in suo «Diario » haec scripserat: « Fratrem Franciscum semper

verum sanctum servum Domini putavi, et spero fore ut quodam die a Do-

mino in terra quoque glorificetur. Perez, Perez, Perez, ora pro me ».

Non tantum dominus Calabria, sed etiam confratres, iuvenes quos uti

pater, mater et magister tractavit, omnes de eo sive in vita sive post mortem

una voce loquebantur « sanctum » habentes.

Dioecesana super virtutibus Inquisitio inchoata est Veronae anno 1988 et

conclusa anno 1990. Decretum super validitate Processus die 26 mensis Fe-

bruarii anno 1993 est editum. Consultores Theologi Congregationis de Causis

Sanctorum in Congressu Peculiari, habito die 24 mensis Iunii anno 2005,

faventem tulerunt sententiam circa virtutes a Servo Dei heroico gradu exercitas.