Acta Apostolicae Sedis - Commentarium Officiale746

Patres Cardinales et Episcopi, in Sessione Ordinaria congregati die 9

mensis Ianuarii anno 2007, Ponente Causae Exc.mo D.no Laurentio Chiari-

nelli, Episcopo Viterbiensi, agnoverunt Servum Dei Franciscum Mariam Perez

virtutes theologales, cardinales eisque adnexas heroico gradu esse exsecutum.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Francisci

Mariae Perez, Religiosi professi Congregationis Pauperum Servorum a Divina

Providentia, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis

NOVARIENSIS

Beatificationis et canonizationis Servae Dei Mariae Catharinae a Iesu Infante

Lavizzari (in saec.: Aloisiae), Priorissae Benedictinarum a SS. Sacramento Ado-

rationis et Reparationis Perpetuae Monasterii Ghiffae ad Runchum (1867-1931)

DECRETUM SUPER VIRTUTIBUS

« Iesus Hostia nobis in terris Paradisus est ». Haec, quae Serva Dei Maria

Catharina a Iesu Infante Lavizzari suis monialibus dictitabat, haberi possunt

tamquam compendium pietatis eius, quae germanissima Benedictina a SS.mo

Sacramento Adorationis et Reparationis Perpetuae fuit, utpote ad auctori-