Acta Apostolicae Sedis - Commentarium Officiale748

Die vero 2 mensis Iulii anno 1894, Serva Dei electa est in alteram a

priorissa; dein, anno 1900, novitiarum magistra facta est. Cum denique die

2 mensis Iulii, eodem anno, in priorissam, quod est sodalitatis caput, elige-

retur, statim promisit se regularem observantiam aucturam, ut, quodcumque

superiores antistitae (Mater a Cruce Frati et Mater Scholastica Sala), susce-

perant, hoc per ipsam ad exitum perduceretur. Novae quidem antistitae hoc

maximae curae fuit, ut novitiae rite instituerentur, quas ceterum ipsa, since-

ra cuiusque voluntate probata, severe deligebat. Curavit insuper ut sacra

monialium clausura servaretur; aptos eosque prudentes confessarios et con-

cionatores arcessivit; puellarum denique curam suscepit, quae vel discendi

vel sacrarum exercitationum causa in domo versabantur. Primo sui prioratus

tempore cognovit etiam P. Caelestinum Mariam Colombo, e Congregatione S.

Mariae Montis Oliveti, O. S. B., qui vere sodalitatis pater fuit.

Die 15 mensis Augusti anno 1900, Serva Dei, Sorore Rosula Crippa sacra

vota nuncupante, Oblatas Regulares instituit. Anno autem 1906, Beato An-

drea Carolo Ferrari, Mediolanensi Archiepiscopo, assentiente, sodalitas a lo-

co, quem Seregno vocant, ad Runchum Ghiffae, qui locus in sacra dicione

Novariensi, migravit; sicque virgines monasterio, quod ipsae multa perpessae

inchoaverant, quodque iam valde solidatum erat, paene dirutam domum,

eamque in pago exsistentem, mutaverunt.

Itaque Serva Dei ad novum monasterium confirmandum animo incubuit

ab anno 1906 ad annum 1910: tunc eadem opera facienda curare, monialibus

efformandis operam dare; porro ipsi accurate diiudicandum num virgines,

quae conversationis amplexandae causa eo frequentes affluebant, re vera,

prout ipsae autumabant, divino quodam nutu ad sacra consilia profitenda

agerentur. Externi quoque apostolatus actiones inchoavit: ideo adulescenti-

bus sacras exercitationes suscipiendas apparavit, sacerdotes tecto recepit,

infirmis pauperibusque hospitium praebuit.

Ab anno 1910 ad annum 1927 vetera Benedictina asceteria, in meridiana

Italiae parte exsistentia, per moniales Ghiffae, maxime vero per Matrem

Mariam Catharinam, ad Institutum Mechthildianum se deinceps adiunxe-

runt: quod quidem, ratione habita difficultatum, quibus virgines Deo devo-

tae obviaverant, sane egregium facinus fuit.

Interea mulieres potiorem conversationem appetentes ad Monasterium

Ghiffae affluere haud cessabant; ibidemque sacrae exercitationes ad usum

laicarum mulierum deinceps habebantur, Famula Dei usque accurante, quae