Congregatio de Causis Sanctorum 749

quidem non tantummodo piis disputationibus cum adulescentibus colloque-

batur, verum etiam acceptionem sacrorumque rituum curam augebat. Quod

vero ipsa omnibus adesset, hoc illos securitate, fide perpetuitatis, vigore

denique afficiebat.

Forma vitae, quae, dum orationi vacat dumque cum Deo unionem appe-

tit, reparatrice adoratione niteretur, una cum ferventi apostolica navitate,

quae ad Benedictinam Mechthildis auctoritatem propagandam firmandam-

que spectaret, in germana hac Benedictina SS.mi Sacramenti mire coniuncta

evasit. Serva Dei ostendit semet incendi amore in Eucharisticam formam

Adorationis reparationis, in Benedictina Regula insitam, cuius quidem quasi

apostola et nuntia facta est. Ceterum suam ipsa internitatem «mysticam rem

ab Oratione Dominica » definiebat, quod quidem tunc vero emineret, cum

omnia, quae cotidie facta vel acta essent, ad Deum referrentur. Namque

«Deum spectare, Deo servire, ad Deum, tamquam ad exitum, pervenire »,

hoc eius institutum erat. Mater Maria Catharina videbatur sibi voluitque esse

Hostiae nuntia, sive in monasterio recluderetur, sive itineri se committeret,

quod quidem ipsa saepissime fecit, ut Benedictina monasteria, quae eam in

auxilium vocassent, suae sodalitati adiungeret. Haec ergo suis filiabus dicti-

tabat: « Eucharistiae nuntiae fiamus ».

Eapropter vera mater suis monialibus fuit, quas absque studio singulari,

quin immo ipsamet vitae usu freta, dilexit. Earum vel tenuiores cotidia-

nasque necessitates perspiciens, subveniebat; ad pietatem, ad solidam ac

liberalem virtutem instituebat.

Eucharistica forma, pietas quoque erga Deiparam Virginem Mariam,

quam ipsa «Matris pulchri Amoris » nomine invocabat, eam duxerunt, eam

fulserunt. Serva Dei ostendit omni tempore semet ecclesiasticis superioribus

submisse et fı̈denter oboedire: hoc est quod ipsa sibi sumpsit ut singula mo-

nasteria aggregaret, quod quidem nonnumquam haud facile evasit. Quo de-

nique pacto ipsa suae conscientiae moderatoribus oboedientiam adhiberet,

hoc profecto mirum fuit, quandoquidem vel optata mentemque eorum per-

spicere valebat. Quae, tota vita flagranti amore in Iesum Hostiam incitata

eoque suffulta, rebus mundanis prorsus neglectis, aequo et constanti animo

asperitates qualescumque subiit, in hoc praesertim nitens, ut alia magnanima

pectora instituendo Eucharisticae Benedictinae formae amore inflammaret.

Die autem 25 mensis Decembris anno 1931 Serva Dei, valetudine minime

prospera utens, diem, quem ipsa in terris mira navitate traduxerat, conclusit.