Congregatio de Causis Sanctorum 753

nes in deterius verterunt. In Domino obdormivit die 10 mensis Martii anno

1869 in oppido Frasnes-Le-Château, postquam filias spirituales hortatus erat ad

fiduciam in Domino habendam et oboedientiam superioribus praestandam.

Ob latam eius sanctitatis famam, Episcopus Bisuntinus inchoavit Causam

beatificationis et canonizationis instruens Processum Ordinarium annis 1937-

1938. Processus insuper Rogatorialis celebratus est apud Curiam Burdigalen-

sem. Iuridicam omnium horum Processuum auctoritatem agnovit Congrega-

tio de Causis Sanctorum decretum edens die 3 mensis Aprilis anno 1992.

Exarata Positione, disceptatum est, ut de more, de virtutibus a Servo Dei

heroico gradu exercitis. Prospero cum exitu Congressus habiti sunt sive Con-

sultorum Historicorum die 6 mensis Octobris anno 1998, sive Consultorum

Theologorum die 18 mensis Octobris anno 2005. Patres Cardinales et Episco-

pi in Sessione Ordinaria die 20 mensis Februarii anno 2007 congregati, audita

relatione Ponentis Causae, Exc.mi D.ni Petti Iacobi De Nicolò, Archiepiscopi

titulo Martanaënsis, edixerunt Servum Dei Ioannem Iosephum Lataste vir-

tutes theologales, cardinales eisque adnexas heroico excoluisse gradu.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Ioannis Iosephi

Lataste (in saec.: Alcidae), Sacerdotis professi Ordinis Fratrum Praedicatorum,

Fundatoris Congregationis Sororum III Ordinis S. Dominici a Bethania, in casu

et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis