Acta Apostolicae Sedis - Commentarium Officiale754

MONACENSIS et FRISINGENSIS

Beatificationis et canonizationis Servae Dei Mariae Fidelis Weiss (in saec.: Eleo-

norae Margaritae) Religiosae professae III Ordinis Sancti Francisci (1882-1923)

DECRETUM SUPER VIRTUTIBUS

« Continenter et urgentissime ad Imitationem Christi perfectissimam im-

pellor ».

Hisce verbis, quae ipsa anno 1918 vel 1919 litteris mandavit, Serva Dei

Maria Fidelis Weiss (dum saeculo viveret, Eleonora Margarita), amore in

Dominum succensa, sese ad unionem Divino Redemptori, ut perficeretur in

Christo (cf. Col 1, 28), contendere velle ostendit. Huiusmodi studio conve-

nienter eadem divinae voluntati paruit eademque, talenta, quae desuper

acceperat, sapienter negotiata, quidquid aevi degit in terris, id Domino pror-

sus impendit, cui non benedicere dumtaxat, sed semet ipsam pro salute ani-

marum offerre studuit.

Haec filia Ecclesiae in oppido, quod vulgo Kempten, in Bavaria, lutherano

patre, matre catholica in lucem edita est die 12 mensis Iunii anno 1882

ipsaque sex post diebus catholico sacro lavacro abluta. Mox vero, dum puerili

doctrina instituebatur, ingenio, quo praedita erat, necnon progressibus, quos

faciebat in studiis, eminuit.

Patre autem demortuo, ut suos, quod ad pecuniam pertinet, iuvaret, ab

anno 1898 ad annum 1900 in duabus tabernis tamquam institorum ministra

operam dedit. Interea sedecim annorum puella secretum castitatis votum

nuncupaverat, quae, postquam semet ad sacram conversationem capessen-

dam divino quodam instinctu vocari agnovit, declaravit se expetere adiungi

Religiosis III Ordinis Sancti Francisci, quae in loco Reutberg sedem habebant.

Cui quidem postulanti satisfactum est; sed, cum esset Ancilla Dei admodum

adulescens, antistita suasit ut eadem duos ferme annos in educandarum puel-

larum instituto, quod in oppido Lenzfried, haud longe ab eius patria remoto,

exsistebat, tamquam alumna interna studio vacaret; in quo adulescentula,

cum accepta esset anno 1900, organum pulsare et opera muliebria facere

didicit. Eodem tempore III Ordinem Sancti Francisci ingressa, etiam in ho-

norarium Praesidium Sacratissimi Cordis Iesu nomen dedit. Tandem in so-

dalitate, quae apud locum Reutberg, tirocinium postulantibus ponendum

mense Octobri anni 1902 auspicata, anno 1903 religionis habitum induit,

sequenti autem anno simplici perpetua votorum formula se Deo devinxit.