Acta Apostolicae Sedis - Commentarium Officiale756

ribus prompte oboedivit. Quae, priscae sanctimoniae virgo, omni tempore

modestia praestavit.

Gravem morbum, quo autumnali tempore anni 1922 temptata est, licet

acerrimis doloribus oppressa patientissime tulit. Tandem die 11 mensis Fe-

bruarii anno 1923 sempiterna beatitate, quam ipsa firmiter et assidue exspec-

taverat, Christi meritis iuvantibus, est potita.

Pervagatae famae sanctitatis intuitu, Archiepiscopus Monacensis Causae

beatificationis et canonizationis initium fecit per Processum Ordinarium, qui

ab anno 1936 ad annum 1939 conditus est; cuius validitatem Congregatio de

Causis Sanctorum ratam habuit per decretum die 3 mensis Iulii anno 1992

latum. Positione confecta, ad consuetudinem disceptatum est num Dei Ancil-

la omnes et singulas virtutes, easque in gradu heroico, exercuerit. Die vero 28

mensis Octobris anno 2005 Peculiaris Theologorum Consultorum Congressus,

favorabili quidem cum exitu, habitus est. Patres autem Cardinales et Epis-

copi, in Sessione Ordinaria quae die 20 mensis Martii anno 2007 gesta est,

audita relatione Exc.mi D.ni Petri Georgii Nesti, C. P., Archiepiscopi emeriti

Camerinensis-Sancti Severini in Piceno, Causae Ponentis, agnoverunt Ma-

riam Fidelem Weiss, theologales et cardinales iisque adnexas virtutes, in

gradu heroico, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis, in gradu heroico, Servae Dei Mariae Fidelis

Weiss (in saec.: Eleonorae Margaritae), Religiosae professae III Ordinis Sancti

Francisci, in casu et ad effectum de quo agitur.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis