Congregatio de Causis Sanctorum 757

IACIENSIS

Beatificationis et canonizationis Servi Dei Ioannis Baptistae Arista, e Congrega-

tione Oratorii S. Philippi Nerii, Episcopi Iaciensis (1863-1920)

DECRETUM SUPER VIRTUTIBUS

« Omnia in caritate ».

Haec verba, quae sententiam insignis episcopalis Servi Dei Ioannis Bap-

tistae Arista constituunt, ipsius etiam verum vitae propositum significave-

runt. Sciens ille revera amorem legis esse plenitudinem (cf. Rom 13, 10),

inexhausta caritate pastorali ad maiorem Domini gloriam est operatus et

in bonum populi sibi crediti cui largiter distribuit Redemptionis thesauros.

Hic dignus Ecclesiae Pastor die 2 mensis Aprilis anno 1863 Panormi in

religiosa quadam familia est ortus. A tenera aetate in Iaciensem urbem se

transtulit atque apud Collegium Sancti Michaëlis curricula frequentavit. Hic

vocationem ad sacerdotium maturavit et, licentia lycei adepta, seminarium

est ingressus. Itinere ad normam expleto, die 26 mensis Martii anno 1887

sacerdotalem recepit ordinationem.

Anno 1888 Congregationem intravit Oratorii Sancti Philippi Nerii. For-

mationi puerorum incubuit, singulares demonstrans educationis dotes. Voca-

tus deinde est ad Collegium regendum Sancti Michaëlis cuius olim alumnus

fuerat. In Congregatione Oratorii cum honore varia exercuit magni ponderis

officia, uti munus Praepositi.

Anno 1901 Romanus Pontifex Leo XIII nominavit eum Episcopum titu-

larem Sinopenum atque Apostolicum Administratorem Sanctae Luciae, sed

Servus Dei humiliter recusavit. Anno 1904 Sanctus Pius X elegit eum Epis-

copum titulo Nyssenum atque Auxiliarem Episcopi Iaciensis. Tunc ille ap-

probavit. Post obitum D. Gerlandi M. Genuardi, Episcopi Iaciensis, anno

1907 nominatus est Vicarius Capitularis et, cohortatus per epistolam auto-

grapham Summi Pontificis diei 26 Iulii, paruit nulla mora Dei voluntati;

insuper die 4 mensis Novembris eiusdem anni Episcopus factus est eiusdem

dioecesis. Zelo plenus pro animarum salute, assiduam explevit navitatem,

suam pro grege vitam impendens sicut suo exemplo Divinus edocet nos Pas-

tor. Operositate eminuit pro iuvenibus quos sapienter per Christi vias perdu-

xit. Fidem ab atheismo et agnostica doctrina defendit, a scriptis typis editis

francomurariis concitatis, quibus obstitit per typographicas rei catholicae