Acta Apostolicae Sedis - Commentarium Officiale758

editiones, quarum ipse solvit pretium quasque promovit. Fideles cum carita-

te sed etiam, quando necesse fuit, cum vigore adhortabatur atque Catholicam

diffundebat Actionem. Tempore quo naturae calamitates in varia Siciliae

loca saevierunt, sollicitudine eminuit ad egentioribus subveniendum. Visita-

tor praeterea fuit seminariorum regionis Calabricae. Pastoralem in navitatem

magisterium transtulit Sancti Pii X de Eucharistia et liturgia. Anno 1913

Congressum paravit Eucharisticum Dioecesanum, qui triumphus est habitus.

Eodem anno politicae factae sunt electiones et ipse huiusmodi Sanctae Sedis

normis stetit, quamobrem censuras sibi conciliavit calumniasque. Forti ani-

mo hanc passus est condicionem, nullam demonstrans indignationem erga

omnes qui angustiis afficiebant eum. Zelus eius pastoralis limites non cogno-

vit nec acerbiores timuit tribulationes.

Suum aedificavit gregem non solum ministerio, sed exemplari modo vi-

vendi, omnes scilicet christianas virtutes constanter laetanterque exercendo.

Iugiter suffultus se gessit inspiratusque fide, quam ipse omnibus in rebus

manifestavit ac verbo exemploque propagavit. In divinam providentiam fi-

duciosum se praebuit et quo maiores patiebatur dolores, eo spes eius magis

augebatur in aeternam beatitudinem. Semper vestigia secutus est et doctri-

nam Sancti Philippi Nerii et animose effecit ut omnes mundi Congregationes

Philippinae unum essent. Peculiarem caritatem bonitatemque erga clerum

sibi creditum demonstravit, quem paterno moderatus est amore. Seminarium

incolere voluit ut ipsemet formationem curaret candidatorum ad Sacerdo-

tium. Pauperes adiuvabat, infirmos et in custodiam inclusos, omnibus ma-

ternum Ecclesiae vultum praebendo. In exercendo suo sacerdotali et episco-

pali munere prudentiam et aequam mentem ostendit. Nullam magni ponderis

rem decrevit quin viros in auctoritate constitutos prius audiret; pariter con-

silia prudenter ferebat illis qui eius spiritali moderamine fruebantur. Ab omni

ambitione alienus exstitit. Suam vehementem indolem summopere modera-

tus est. Temperantiam, castitatem et paupertatem amavit et exercuit, atque

cautum et humilem modum vivendi semper servavit. Sanctae Sedi sub qua-

libet condicione obtemperavit, quamvis hac de causa offensiones et hostiles

animos sibi conciliaret. Homo humilis, sive sacrorum alumnus sive sacerdos

sive episcopus, humiliora etiam officia explevit. Suam spiritalem vitam pre-

cibus praesertim aluit, pietate erga Eucharistiam, Passionem Christi et Vir-

ginem Sanctissimam, atque pastoralibus negotiis quibus et ipse et populus ad

Deum propius accedebant.