Acta Apostolicae Sedis - Commentarium Officiale760

MEDIOLANENSIS

Beatificationis et canonizationis Servae Dei Armidae Barelli, III Ordinis Saecularis

S. Francisci, Confundatricis Instituti Saecularis Missionariarum Regalitatis

D.N.I.C., Vicepraesidis Generalis Actionis Catholicae Italiae (1882-1952)

DECRETUM SUPER VIRTUTIBUS

«Missio tua est in Italia. Deus te iuvabit! ». Hisce usus verbis Summus

Pontifex Benedictus XV respondit Servae Dei Armidae Barelli, quae propo-

situm significaverat illi vitam sororis missionariae ducendi. Etenim Italia

ager exstitit quem ipsa indefatigabili et multiplici apostolatu coluit, suis

tribulationibus et precationibus fecundavit, atque suo fervido amore erga

Christum et Ecclesiam suisque venustis evangelicis virtutibus collustravit.

Haec Christi testis die 1 mensis Decembris anno 1882 Mediolani nascitur

ex prospera familia mediae societatis. Ibidem litterarum rudimenta domi

peragit, ubi religiosis moribus instituitur, ac deinde apud Sorores Ursulinas;

inter annos 1895 et 1900 formationem continuat in oppido Metzingen, in

Germanica regione Helvetiae, apud Collegium Sororum Magistrarum a Sanc-

ta Cruce, ubi sive Scholarum Normalium sive Germanicae linguae diplomatis

honestatur; Dominum insuper diligere discit. Mediolanum regredienti variae

non desunt occasiones propriam instituendi familiam; attamen aliam viam

quaerit, incumbens in caritatis opera inter orphanos et filios captivorum.

Anno 1909 privato virginitatis voto Domino se devovet.

Anno 1910 novit Patrem Augustinum Gemelli, O. F. M., qui iter ostendit

illi ad Tertium Ordinem Franciscalem, et cum ipso fecundam init apostolicam

cooperationem. Multiplicem inter actuositatem curant ut milites Itali primo

saeviente bello mundiali Sacro Cordi Iesu sese consecrent.

Anno 1917 Beatus Cardinalis Andreas Carolus Ferrari, Archiepiscopus

Mediolanensis, hortatur Servam Dei ad curam adhibendam de iuvenibus

mulieribus intra nascentem motum femininum catholicum Ambrosianum.

Inde oriuntur primi coetus futurae Iuventutis Femininae Actionis Catholi-

cae. Sequenti anno Summus Pontifex Benedictus XV nominat Armidam

Barelli Vicepraesidem Societatis Mulierum Catholicarum Italiae, speciali ad-

dito munere Iuventuti Femininae Actionis Catholicae prospiciendi. Ita ini-

tium datur Iuventuti Femininae Actionis Catholicae in cunctis Italiae dioe-