Congregatio de Causis Sanctorum 761

cesibus. Serva Dei saepe Italiam percurrit ad associationem diffundendam,

promovendo conventus nec non congressus nationales et internationales,

Hebdomadas Sociales, peregrinationes, innumeros cursus culturae et forma-

tionis. Magnopere actuositatem catholicam femininam promovet inter Con-

sociationes Internationales. Inter omnes iuvenes illa erit dilectissima « Soror

Maior ».

Die 19 mensis Novembris anno 1919 Assisii, apud parvum sacellum coe-

nobii Sancti Damiani, simul cum Patre Gemelli et primo laicarum coetu,

Serva Dei inchoat novam consecrationis laicalis in Ecclesia formam, deinde

approbatam a Pio XII anno 1948 vigore Apostolicae Constitutionis « Provida

Mater »: agitur de Instituto Saeculari Missionariarum Regalitatis D.N.I.C., in

praesens multis in nationibus exsistente.

Ulterius, novas exaudiens missionales hortationes, quae in Epistula Apos-

tolica «Maximum illud » continentur, missionale incepit opus Iuventutis Fe-

mininae in Sinis, episcopis franciscalibus missionariis cooperantibus. Anno

1923 « Institutum Benedictus XV », destinatum excipiendis iuvenibus mulie-

ribus orphanis vel pauperibus, inauguratur in Sinensi oppido vulgo Xi'an. Ex

quo Instituto ortum habet Congregatio religiosa Sinensis Sororum Tertiaria-

rum Franciscalium, quae hactenus in vigore permanet.

Una cum D.no Aloisio Olgiati sacerdote et Venerabili Servo Dei Ludovico

Necchi aliisque sociam praestat operam Patri Gemelli ad condendam Medio-

lani anno 1921 Catholicam Studiorum Universitatem Sacri Cordis. Serva Dei

instituit Associationem Amicorum eiusdem Universitatis et anno 1924, rei

favente Summo Pontifice Pio XI, excogitat «Diem Universitarium » celebran-

dum ad subsidia inter dioeceses colligenda. Catholicae Studiorum Universi-

tati adnectitur Societas Editoria « Vita e Pensiero », cuius Dei Serva una

exstat administratrix.

Anno 1929 provehit constitutionem Operis Regalitatis Domini Nostri

Iesu Christi, ad vitam liturgicam et spiritualitatem christocentricam in pa-

roeciis propagandas.

Usque ad extremos vitae dies pro viribus confert ad incrementum Regni

Dei, eodemque tempore absque interruptione per sanctitatis viam progredi-

tur, liberaliter, constanter ac laetanter christianas excolendo virtutes. Heroi-

citatem, quam iuvenibus Actionis Catholicae proponebat, ipsa attigit, Dei

voluntatem adimplens et dotes sibi caelitus collatas insumens.

Firmiter credit in Deum, actuosam habet partes vitae et missionis Eccle-

siae, suiipsius christianam formationem diligenter curat, actionem suam