Congregatio de Causis Sanctorum 763

Animam Domino tradidit ipsa in sollemnitate Assumptionis Beatae Ma-

riae Virginis, die nempe 15 mensis Augusti anno 1952 in oppido vulgoMarzio,

Provinciae Varetianae. Corpus eius Mediolani iacet in crypta Catholicae Stu-

diorum Universitatis Sacri Cordis.

Die 8 mensis Martii anno 1960 Cardinalis Ioannes Baptista Montini, Ar-

chiepiscopus Mediolanensis, qui postea ad Supremum Pontificatum evectus

est sub nomine Pauli VI, inchoavit Causam beatificationis et canonizationis,

celebrans Processum Ordinarium Informativum, cui accesserunt varii Pro-

cessus rogatoriales. Iuridicam harum Inquisitionum dioecesanarum validita-

tem approbavit Congregatio de Causis Sanctorum, decretum edens die 3

mensis Aprilis anno 1992. Exarata Positione, disceptatum est de virtutibus

a Serva Dei heroico gradu exercitis. Die 23 mensis Septembris anno 2005

positivo quidem cum exitu actus est Congressus Peculiaris Consultorum

Theologorum. Sessio Ordinaria Cardinalium et Episcoporum, quae habita

est die 16 mensis Ianuarii anno 2007, Ponente Causae Exc.mo D.no Ottorino

Petro Alberti, Archiepiscopo emerito Calaritano, agnovit Servam Dei theo-

logales, cardinales eisque adnexas virtutes heroico gradu excoluisse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

virtutibus theologalibus Fide, Spe et Caritate tum in Deum tum in proximum,

necnon de cardinalibus Prudentia, Iustitia, Temperantia et Fortitudine, iisque

adnexis, in gradu heroico, Servae Dei Armidae Barelli, III Ordinis Saecularis S.

Francisci, Confundatricis Instituti Saecularis Missionariarum Regalitatis Do-

mini Nostri Iesu Christi, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis