90. De s. Petro Coelestino.

In 1. Vesperis.
Antiphonae.

1. Innovetur mens divini
Cultus ad encenia
Voce pangens Coelestini
Votiva solemnia.

2. Specialis Mantuanae
Polis instat gloria,
Ornat urbis quam Romanas
Praesulis memoria.

3. Cardinalis et levitae
Praeminens officio
Fulsit verbi, fulsit vitae
Celebris indicio.

4. Praesul summus visione
Caelesti ter monitus
Fidei legatione

Hunc insignit caelitus.
5. Fide fervens Christiana
Mittitur Aemiliam,
Quo faex cedat. Arriana
Corrumpens Italiam.

Ad Magnificat.
A. Ave, decus

et gemma praesulum,
Coelestine,

virtutis speculum,
Tu caeleste
jam tabernaculum

Introgressus

solve piaculum
Tui gregis,

qui tibi tinnulum
Solvit, ecce,

melodis titulum.

Ad Matutinum.
Invitato rium.

Adoremus Deum trinum

Cordis, oris latria,
Praesulem qui Coelestinuin

Coronat in patria.

In 1. Nocturno.
Antiphonae.

1. Vacans legi divinorum
Coelestinus jugiter
Sprevit iter impiorum
Et doctrinam pariter.
2. Apprehendens disciplinam
Sacris datam literis
Montem Sion ad doctrinam
Lingua vocat operis.

3. Christum probans susceptorem
Et caput ecclesiae
Arrianae mox errorem
Confutat nequitiae.

Responsoria.

1. Vernans cultu pietatis
Exsultet Aemilia
Doctoremque veritatis
Laudet in ecclesia,
Coelestinum, pravitatis
Exstirpantem lolia;
V. In fervore caritatis
Praedicans utilia
Christianae suavitatis
Jugo vinxit milia.
2. Involuta vitiorum

Sorde dudum Flavia
Flagellaque meritorum
Causa ferens gravia

Seminanti seminorum
Supplex venit obvia,
V. Objurgata populorum
Severis ignavia
Coelestinus promissorum
Verba miscet suavia.

3. Coelestinus dum hortatur

Plebi salutaria,
Gens compuncta se testatur

Labe ream varia,
Prece fusa propulsatur

Pestis inguinaria;
V. Sic, sic poena compensatur

Culpae necessaria,
Dum peccator flagellatur

Clade multifaria.

In 2. Nocturno.
Antiphonae.

1. Coelestinum invocantem
Exaudivit Dominus,
Dum in plebe debacchantem
Iram tulit eminus.

2. Scuto bonae voluntatis
Animando populum
Christianae pietatis
Fore suasit aemulum.

3. Laudet nomen plebs divinum
Celebri memoria,
Honore qui Coelestinum
Coronat et gloria.

Responsoria.

1. Insistenti disciplinae

Plebis vox ab aethere
Sonat dicens: Coelestine,

Commissum fac propere,
Ut grex alter a ruinae

Vocetur itinere.
V. Valedicens a doctrinae

Non cessabat opere
Plebsque plorans hunc divinae

Commendabat dexterae.

2. Proficiscens constipatur

Agmine plangentium,
Dumque tristes consolatur,

Pervenit ad fluvium,
Quod nunc Senum nuncupatur

Propter senis lotium;
V. Ibi senex presentatur

Curvus per decennium,
Unda mersus qui curatur

In conspectu omnium,
3. Augens lucra commissorum

Sator evangelii
Coelestinus se convertit

Ad Forum Cornelii,
Tabe sordens odiorum

Atque caede proelii,
V. Unitatem suadens morum

Pacis et solatii
Clausit vias peccatorum

Causasque dissidii.

In 3. Nocturno.
Antiphonae.

1. Spe tendentes ad aeterna

Serva sine macula,

Coelestine, qui superna

Colis tabernacula.

2. Voluntate labiorum

Fretus verbo gratiae,
Finem desideriorum
Cernis regem gloriae.

3. Caritate conclavari

Fac nos Jesu nomini
Tu, qui gaudes collocari
Monte sancto Domini.

Responsoria.

1. Dum caelestis foenerator
Plebi dogma seminis,
Trucidatus apportatur

A collega socius,
Cum quo tentus praesentatur
Auctor tanti criminis ;
V. Facti causa ventilatur
Lege sub examinis,

Furor plebis excitatur
Ad vindictam sanguinis.

2. Coelestinus concionem

Advocans alloquitur:
Quid lucri per talionem

Defunctus assequitur ?
Num per rei passionem

Vivus restituitur ?
V. Juxta Christi rationem

Dimittens dimittitur,
Et, qui quaerit ultionem,

Reus constituitur.

In Laudibus.
Antiphonae.

1. Perlustrans Mediolanum
Doctrinis caelestibus
Pandit iter vitae planum
Propulsis haeresibus.

2. Eutychetis, Arriani,
Manichaei varia
Documenta probat vani
Cultus seminaria.

3. Reformato cleri statu
Ac plebis Aemiliae
Romam redit a bimatu
Florentis ecclesiae.

4. Verbo, vita, pietate

Virum agens caelicum
Invocata trinitate
Sanat paraliticum.

5. Petri sedes dum orbatur
Sancto Bonifacio,
Coelestinus sublimatur
Summo sacerdotio.

Ad Benedictus.

A. Benedicta sit divini
Nominis gloria,
Cujus dono Coelestini
Floret memoria,

Qui hac die pulsa tristi
Carnis molestia

Evocatus voce Christi
Scandit caelestia.

In 2. Vesperis.
Ad Magnificat

A. Magnifica,

Mantua, Dominum,
Largitorem

salutis hominum,
Coelestini

qui glebam funeris
Tibi misit

in signum foederis,
Nam ereptum

raptorum manibus
Tuis dedit

condendum moenibus.

Per Octavam.
Ad Laudes.

A. Alme praesul Coelestine,

Civis caeli curiae,
Vita fruens absque fine

Jam expers miseriae,
Laudis tibi matutinae

Carmen hoc laetitiae
Persolventes fac divinae

Nos consortes gloriae.

In Vesperis.

A. Recensentes Coelestini

Titulos memoriae
Cultus vice vespertini

Melos demus gloriae,
Genti qui Aemilianae

Praedicans censorie
Pravitatis Arrianae

Tulit zyma scoriae.