307. De sancto Sebastiano.

1 a. Ave, martyr o praeclare,
Apud Christum deprecare
Pro nostris excessibus ;

1 b. Collocatus caeli sede
Suppliciter intercede
Pro cunctis fidelibus.

2 a. Nos urgemur tot pressuris,
Tantis malis, tantis curis,
Tot calamitatibus ;

2 b. Sed fieri propitium
Credimus Dei filium
Tuis sacris precibus.

3 a. Ergo, martyr pretiose,
Funde preces, filius

3 b. Ut virginis gloriosae
Sit nobis propitius.

4 a. Atque pater det paterna
Pietate sempiterna
Nobis caeli gaudia:

4 b. Quod erramus, sic condonet,
Ut cum sanctis nos coronet
In aeterna patria,

5 a. In qua [sanctus]

martyr Sebastianus

5 b. Triumphat cum

ceteris martyribus.

6 a. Ad ipsius consortium
nos venire faciat,

6 b. Qui electos suos omnes
vero pane satiat.