Acta Francisci Pp. 593

gloriemini, / difficulter superfuturos esse fidem, cui suam debent significatio-

nem? ».48 Si fides in Deum a nostris civitatibus auferretur, extenuaretur fidu-

cia inter nos; in unum congregaremur tantum ob formidinem, et stabilitas

minis vexaretur. In Epistula ad Hebraeos legimus: «Non confunditur Deus

vocari Deus eorum, paravit enim illis civitatem » (Heb 11, 16). Locutio « non

confundi » coniungitur cum publica acceptatione. Hoc modo dicitur Deus sua

reali actione publice confiteri suam inter nos praesentiam, suum propositum

validas reddendi relationes inter homines. Nos forsitan confundemur si Deum

vocaverimus nostrum Deum? Fortasse nostrum erit non confiteri eum

nostrum Deum in vita publica, aut non extollere magnitudinem vitae com-

munis, quam ipse possibilem reddit? Fides vitam in societate illuminat; ipsa

habet lucem creativam in singulis novis historiae adiunctis, ratio est quae

omnes eventus disponit in relatione cum origine et destinatione omnium in

Patre, qui nos amat.

Consolatoria fortitudo in dolore

56. Sanctus Paulus christianis Corinthi suas memorans tribulationes

doloresque, fidem suam coniungit cum Evangelii praedicatione. Dicit enim

in se Scripturae sententiam adimpleri: « Credidi, propter quod locutus sum »

(2 Cor 4, 13). Apostolus recenset Psalmi 116 locum, in quo Psalmista clamat:

« Credidi, etiam cum locutus sum: ''Ego humiliatus sum nimis'' » (116, 10).

Agere de fide saepenumero idem est ac de dolentibus tribulationibus agere, in

quibus utique sanctus Paulus persuadentiorem Evangelii nuntium percipit,

quoniam in infirmitate et dolore emergit atque detegitur Dei virtus, quae

superat nostram infirmitatem et passionem. Ipse Apostolus in condicione

mortis versatur, quae pro christianis in vitam mutabitur (cfr 2 Cor 4, 7-

12). In tribulationis hora fides nos illuminat, et in dolore sane et in infirmi-

tate patefit: «Non enim nosmetipsos praedicamus sed Iesum Christum Do-

minum » (2 Cor 4, 5). Caput XI Epistulae ad Hebraeos concluditur mentione

de iis qui fidei causa passi sunt (cfr 11, 35-38), inter quos peculiarem locum

Moyses occupat qui sibi assumpsit Christi iniuriam (cfr 11, 26). Christianus

novit passionem amoveri non posse, sed ipsam sensum suscipere posse, fieri

actum amoris, oblationem in manus Dei qui nos non derelinquit, et hoc modo

periodum esse fidem et amorem augendi. Contemplans communionem Christi

48 « Choruses from The Rock » in: The Collected Poems and Plays 1909-1950, New York 1980,

106.