Acta Francisci Pp. 595

mutando. Tempus semper est superius spatio. Spatium processus sistit,

tempus autem ad futurum tendit et ad iter in spe faciendum impellit.

Beata, quae credidit (Lc 1, 45)

58. In parabola de seminatore sanctus Lucas haec verba tradidit quibus

Iesus explicat « bonae terrae » sensum: «Hi sunt, qui in corde bono et optimo

audientes verbum retinent et fructum afferunt in patientia » (Lc 8, 15). In

contextu Evangelii secundum Lucam mentio de corde bono et optimo, quod

attinet ad Verbum auditum et retentum, effigiem constituit implicitam fidei

Virginis Mariae. Idem Evangelista nobis de memoria Mariae loquitur,

quomodo nempe omnia servaverit in corde suo quae audiebat et videbat,

ita ut Verbum in vita eius fructum afferret. Mater Domini est perfecta fidei

icona, prout asseruit sancta Elisabeth: «Beata, quae credidit » (Lc 1, 45).

In Maria, Filia Sion, perficitur diuturna historia fidei Veteris Testamenti

per narrationem tot fidelium mulierum, incipiens a Sara, mulierum quae,

iuxta Patriarchas, sedes erant in qua Dei promissio adimplebatur novaque

vita oriebatur. In temporum plenitudine Verbum Dei ad Mariam conversum

est, quod ipsa accepit cuncta cum sua exsistentia, suo in corde, ut illud in ea

carnem assumeret atque nasceretur uti lumen pro hominibus. Sanctus Iusti-

nus Martyr in Dialogo cum Tryphone venustam profert sententiam asserens

Mariam, dum nuntium Angeli excipiebat, percepisse « fidem et gaudium ».49

Etenim in Matre Iesu fides patefacta est fructu plena, et cum nostra vita

spiritalis fructum affert, gaudio replemur, quod clarissimum est signum mag-

nitudinis fidei. Maria in sua vita fidei peregrinationem complevit, Filium

suum insequens.50 Ita in Maria iter fidei Veteris Testamenti assumitur in

sequela Iesu et transformari sinit ab Eo, in intuitum ingrediens proprium

Filii Dei incarnati.

59. Nobis dicere liceat in beata Virgine Maria ea adimpleri, in quibus

supra institimus, nempe credentem in sua fidei confessione prorsus implicari.

Maria arte coniungitur, propter suum vinculum cum Iesu, cum iis quae cre-

dimus. In virginali Mariae conceptu nitidum nobis datur signum divinae

filiationis Christi. Aeterna Christi origo est in Patre, cuius ille Filius est totali

et unico sensu; et hac de causa nascitur in tempore absque viri interventu.

49 Cfr Dialogus cum Tryphone Iudaeo, 100, 5: PG 6, 710. 50 Cfr Conc. Oecum. Vat. II, Const. dogm. de Ecclesia Lumen gentium, 58.