Acta Apostolicae Sedis - Commentarium Officiale596

Uti Filius, Iesus mundo afferre potest novum initium et novam lucem, ple-

nitudinem fidelis amoris Dei qui hominibus se tradit. Ceterum, vera Mariae

maternitas pro Filio Dei veram provexit humanam historiam, veram carnem

in qua in cruce mortuus est et a mortuis resurrexit. Maria comitabatur eum

usque ad crucem (cfr Io 19, 25), unde eius maternitas omnes Filii discipulos

complectitur (cfr Io 19, 26-27). In cenaculo quoque post Resurrectionem et

Iesu Ascensionem aderat, una cum Apostolis Spiritus Sancti donum implo-

ratura (cfr Act 1, 14). Amoris impulsus inter Patrem et Filium in Spiritu

Sancto historiam nostram percurrit; Christus ad Seipsum nos attrahit ut

nos salvet (cfr Io 12, 32). In media fide exstat confessio Iesu, Filii Dei, nati

ex muliere, qui nos per Spiritus Sancti donum inducit in adoptionem filiorum

(cfr Gal 4, 4-6).

60. Ad Mariam, Matrem Ecclesiae et Matrem fidei nostrae, convertimus

nos orantes.

Adiuva, Mater, fidem nostram!

Erige aures nostras ad Verbum, ut vocem Dei agnoscamus eiusque voca-

tionem.

Suscita in nobis desiderium eius vestigia sequendi, et terram nostram

relinquendo et eius promissionem excipiendo.

Adiuva nos ut amore eius attingamur, ut fide eum attingere valeamus.

Adiuva nos ut nos Ipsi plane commendemus, ut eius amori credamus,

potissimum tempore tribulationis et crucis, cum fides nostra ad maturatio-

nem vocatur. Semina in fide nostra gaudium Resuscitati.

Commone nos credentem numquam solum esse.

Doce nos Iesu oculis contueri, ut in nostro itinere Ille sit lumen; atque hoc

fidei lumen in nobis iugiter augeatur, donec dies ille sine occasu adveniat, qui

ipse est Christus, Filius tuus, Dominus noster!

Datum Romae, apud Sanctum Petrum, die undetricesimo mensis Iunii, in

sollemnitate Apostolorum Petri et Pauli, anno Domini bis millesimo tertio

decimo, ipso Anno Fidei, Pontificatus Nostri primo.

FRANCISCUS