Congregatio de Cultu Divino et Disciplina Sacramentorum 643

CONGREGATIO PRO EPISCOPIS

GUATIMALENSIS

De nominis Archidioecesis restitutione

DECRETUM

Quia in principio Ecclesia Guatimalensis in honorem Sancti Iacobi dicata

erat et «Sancti Iacobi in Guatimala» nuncupata sive anno MDXXXIV tempore

erectionis, sive anno MDCCXLIII tempore ad gradum et dignitatem archidioe-

cesis promotionis, Exc.mus P.D. Ansgarius Iulius Vian Morales, S.D.B.,

Archiepiscopus Guatimalensis, ab Apostolica Sede enixe postulavit, ut

nomen pristinum huius praeclarae sedis congrue restituatur.

Congregatio igitur pro Episcopis, audita Episcoporum Conferentia

Guatimalae, unanimi consensu, et praehabito favorabili voto Apostolicae

Nuntiaturae in memorata Dicione, porrectis precibus benigne annuendum

censuit.

Quapropter eadem Congregatio, vigore specialium facultatum sibi a

Summo Pontı́fice Francisco, Divina Providentia PP., tributarum, praesenti

Decreto, perinde valituro ac si Apostolicae sub plumbo Litterae datae forent,

statuit ut Archidioecesis Metropolitana Guatimalensis eiusque Archiepisco-

pus pro tempore et Provincia ecclesiastica in posterum vocari possint ac

valeant « Sancti Iacobi in Guatimala ».

Ad haec perficienda Congregatio pro Episcopis deputat Exc.mum

Nicolaum Thevenin, Archiepiscopum titulo Aeclanensem et Nuntium

Apostolicum in Guatimala, necessarias et opportunas eidem tribuens facul-

tates etiam subdelegandi, ad effectum de quo agitur, quemlibet virum in

ecclesiastica dignitate constitutum, onere imposito ad eandem Congre-