Congregatio de Causis Sanctorum 247

europae in regionibus diffudit, sunt condiciones humanitatis et cotidianae

vitae extremae partis existentiae Servi dei. labores atque cruciatus eius

menses per septem continenter manserunt et in munere terminaverunt, ad

quod primo mane usque ad vesperem constringebatur, omnibus tempesta-

tibus, qua re, forti dolore lumborum laborans et neglectis omnibus curis,

brevi tempore Servus dei ad virium summam defectionem pervenit. etiam

in hac propria via crucis Pater girotti sua generositate erga alios captivos

et singulari ingenii et animi solertia eminuit. rationes, quae Servum dei

ad actionem impellerunt, minime ad doctrinam ideologicam vel politicam

attinebant sed omnino fundabantur super fidem, quae semper firmissima,

Sacrarum litterarum luce collustrata (etiam in publicae custodiae loco ille

non intermisit studium et commentationem Sacrorum librorum), ex inte-

gro super christi imitationem et crucis mysterii heroico in caritatis dono

comprobata evasit. contracto morbo, in loci valetudinarium receptus est et

die 1 mensis aprilis anno 1945 suum mortale iter perfecit, fortasse infu-

sione benzinii certe magna tabe e laboribus et violentiis illata interfectus

est. cellae sodales eius in lectulo scripsere illic Sanctum Iosephum Girotti

dormivisse. eius vitae cursus et praecipue propinquitas cum iudeis obtinuit

publicum signum e Statu israelis, qui die 14 mensis februarii anno 1995 ei

nomisma memoriae causa vel ut aiunt viri iusti inter civitates tribuit, eius

nomen in tabulas publicas refertum est arboremque eiusdem in honorem

Hierosolymitanae in via iustorum consita est. fama martyrii Servi dei

in societate ecclesiae diffundebatur qua re e die 22 mensis martii anno

1988 ad diem 20 mensis ianuarii anno 1990 iuxta curiam archiepiscopalem

taurinensem inquisitio dioecesana celebrata est, cui accessit inquisitio ad-

diticia e die 8 mensis februarii ad diem 4 mensis maii anno 1993, quorum

iuridica validitas ab hac congregatione de causis Sanctorum per decreta

diei 9 mensis octobris anno 1992 et diei 12 mensis februarii anno 1994

est approbata. exarata Positione, die 20 mensis ianuarii anno 2012 habitus

est congressus Peculiaris consultorum theologorum positivo cum exitu de

martyrio, causis et condicionibus inspectis. Patres cardinales et episcopi in

Sessione ordinaria diei 5 mensis februarii anno 2013 congregati, me an-

gelo cardinale amato ponente causae, agnoverunt Servum dei interfectum

propter suam fidem in christum et in ecclesiam fuisse.