Congregatio de Causis Sanctorum 243

anno 1936 emisit. Post biennium institutionis, die 1 mensis aprilis anno

1938 ad novitiatum ut frater admissus est. Statim perspicuam indolem et

spiritualem magnitudinem ostendit, praecipue in dilectione erga eucharis-

tiam et mariam auxiliatricem, ita ut comitibus amicus et maxime vitae

exemplum propter humilitatem ac oboedientiam suam evaderet. Servus dei,

postquam militare munus functus est, primam triennalem professionem die

8 mensis Septembris anno 1940 et alteram die 16 mensis octobris anno

1943 emisit perpetuamque denique die 24 mensis iulii anno 1946 edixit.

Hoc tempore primum ut tiro deinde ut praefectus officinae typographicae

operatus est, simul et iuvenum praeceptoris munus gerens; extra Societatem

Salesianam autem iam clarus videbatur nationalis consociationis iuvenum

catholicorum socius et administrator.

Spiritualis et apostolicae naturae Societatis Salesianae summum testi-

monium perhibuit: etenim singulari animi diligentia sua munera exercebat,

sanctitatem morum, pietatem, peritiam et fidem in christianis praeceptis

persequendis praebens. excolens interiora animi et omnibus in operibus

unitatem cum deo servans, omnibus hominibus et ubique adhibuit artem

paedagogicam ad mentem Sancti ioannis Bosco - quae « sistema preventi-

vo » vulgo nuncupatur - scilicet iuvenibus evangelium laetitiae offerens, per

bonitatis artem educandi. fidem suam efficacius vivebat, dum ad evangelii

praedicationem et ad christianae doctrinae institutionem spectabat secun-

dum munus Societatis Salesianae, haec sincero oratorii animo impellens.

constans opus, quod suscipiebat in iuvenibus oratorii, in ministrantium

cura et ut magister typographicae officinae, eius educandi auctoritatem

coalescere in vehementi animi vita argumentis semper confirmabat.

anno 1943 vertente, cum Servus dei perpetuam professionem emissurus

erat, factio communistarum tandem Hungariae rerum potita est, statimque

patefactum est regiminis acerbissimum odium in religionem et praecipue

catholicam in ecclesiam: namque omnimodis ecclesia cogebatur in absolu-

tam dicionem et potestatem Hungarici status, amplius ad eversionem grada-

tim petebat per ecclesiasticorum proprietatum publicationem, dimissionem

omnium iuvenum societatum et reductionem ad publicae administrationis

curam omnium scholarum usque ad suppressionem, anno 1950, omnium

ordinum et religiosarum congregationum.