254 Acta Apostolicæ Sedis - Commentarium Officiale

omnem vitam in servitium ecclesiae rettulit. caritas eius ex imo corde

scatebat pura et in quoscumque conveniebat humiliter leniterque profluebat.

die 6 mensis Septembris anno 1969 in vico Sancti lazzari de Savena

prope Bononiam in domino quievit.

ob sanctitatis famam causa Beatificationis et canonizationis apud

curiam archiepiscopalem Bononiensem inita est per celebrationem in-

quisitionis dioecesanae a die 8 mensis Septembris anno 1996 ad diem

17 mensis decembris anno 2005 habitae, cuius auctoritas et vis iuridica

a congregatione de causis Sanctorum die 12 mensis ianuarii anno 2007

probatae sunt.

Positione confecta, die 31 mensis ianuarii anno 2012, in congressu Pe-

culiari consultorum theologorum prospero cum exitu disceptatum est, iuxta

consuetudinem, an Servus dei more heroum virtutes christianas exercuisset.

Patres cardinales et episcopi in Sessione ordinaria diei 19 mensis fe-

bruarii anno 2013, cui egomet ipse angelus cardinalis amato praefui, pro-

fessi sunt Servum dei virtutes theologales, cardinales iisque adnexas in

modum heroum exercuisse.

facta demum de hisce omnibus rebus Summo Pontifici francisco per

infrascriptum cardinalem Praefectum accurata relatione, Sanctitas Sua vota

congregationis de causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Olynthi

Marella, presbyteri dioecesani, in casu et ad effectum de quo agitur.

Hoc autem decretum publici iuris fieri et in acta congregationis de

causis Sanctorum Summus Pontifex referri mandavit.

datum romae, die 27 mensis martii a.d. 2013.

angeluS card. amato, S.d.B.

Praefectus

l. G S.

G marcelluS Bartolucci

archiep. tit. mevaniensis, a Secretis