246 Acta Apostolicæ Sedis - Commentarium Officiale

Psalmistae invocatio totam vitam et mortem Servi dei iosephi girotti

significat: ille, verbis Sacrarum litterarum illuminatus, vitam perfectionis

quaesivit sanguineque suo extremam domino adhaesionem pandit.

Servus dei albae Pompeiae cuneensi in provincia die 19 mensis iulii

anno 1905 e modesta sed religiosissima familia ortus est. tertium decimum

annum aetatis agens, religiosam vocationem animadvertit, qua re in fratrum

Praedicatorum conventum Carrei iuxta augustam taurinorum ingressus est,

anno 1923 religiosae vitae edita professione, die 3 mensis augusti anno 1930

sacris ordinibus initiatus est. iuvenis alacris ingenii et eleganti doctrina

praeditus studia continuavit iuxta Angelicum seu Pontificiam Studiorum

Universitatem a Sancto Thoma Aquinate in Urbe et iuxta Scholam Biblicam

Hierosolymitanam. Hac re de rebus biblicis et theologicis docendi rationem

incepit, iuxta Seminarium theologicum Patrum Praedicatorum augustae

taurinorum et postea iuxta institutum missionum a consolata docuit multa-

que commentaria praecipue in Vetus tenstamentum edidit. constituta sede

iuxta conventum Sanctae mariae rosarum eius ministerium non confecit in

cathedra, quia sponte et generose in egentiorum necessitates apud Hospi-

tium Pauperum Senum aliasque caritatis operas famulabatur.

interea cum saeviebat Bellum orbis terrarum Secundum (1939-1945),

Pater girotti auctor et constitutor ampli reticuli auxiliorum pro vexatis

iudeis fuit et maxime post diem 8 mensis Septembris anno 1943, militari

germanorum irruptione facta et republica Sociali italica constituta, Servi

dei auxilio multi homines consecuti sunt tuta latibula et ficta identitatis

documenta et facultatem domo migrandi. Hac sua humana et christiana

mutua necessitudine Servus dei, insidia captus, die 29 mensis augusti anno

1944 deprehensus est et augustae taurinorum in carcere dicto Le Nuove

coniectus est, traductus est in mediolanensem carcerem Sancti Victoris

deinde Bauzanum denique dachaviam in Bavaria. nazismi horribilis doctrina

et usus illis annis maximam discrepantiam cum fide christiana ostendebat.

Haec discrepantia autem saepe in perspicuum et hostile odium mutavit

vehementemque persecutionem nazismus generavit, qui superba arrogantia

non solum totas gentes subicere sed etiam dirigere ethicos mores et ipsos

religiosos ausus est. Superbia nazistarum, ficta scientia et supertitiosa arte

magica imbuta sibi proposuit ut splendens humilitas christiani nuntii de-

leretur. Publicae custodiae et excidii loci, quos regimen nazistarum multis