248 Acta Apostolicæ Sedis - Commentarium Officiale

de hisce omnibus rebus, referente subscripto cardinale Praefecto, cer-

tior factus, Summus Pontifex franciscus, vota congregationis de causis

Sanctorum excipiens rataque habens, hodierno die declaravit: Constare de martyrio eiusque causa Servi Dei Iosephi Girotti, Sacerdotis Professi Ordinis

Fratrum Praedicatorum, in casu et ad effectum de quo agitur.

Hoc autem decretum publici iuris fieri et in acta congregationis de

causis Sanctorum Summus Pontifex referri mandavit.

datum romae, die 27 mensis martii a.d. 2013.

angeluS card. amato, S.d.B.

Praefectus

l. G S. G marcelluS Bartolucci

archiep. tit. mevaniensis, a Secretis

meXicana

beatificationis et Canonizationis servi dei Moysis lira serafín, sacerdotis professi Missionariorum a spiritu sancto Fundatoris Congregationis Missionariarum a Caritate Mariae immaculatae (1893-1950)

dECrEtuM supEr Virtutibus

« ego, quae placita sunt ei, facio semper » ( Io 8, 29). « domine, quanto magis meam naturam creaturae exiguam cognosco,

tanto magis proximus tibi sum; et quanto magis ad me intimus devenis

tanto magis exiguus sum, simul autem meum robur crescit: tu ».

Haec verba, ex eius Diario spirituali desumpta, summatim consilium constituunt quod Servus dei moyses lira Serafín sua in vita patienter et

fideliter explevit.

Servus dei in loco Zacatlán (angelopolis, in mexico) die 16 mensis Septembris anno 1893 e quadam frequenti familia natus est. Parentes eius

assidui erant catholici et christianis moribus educaverunt eum; eius tamen

infantia statim morte matris est turbata, quae anno 1898 evenit. Pater, ma-

gister in scholis paroecialibus, coactus est ut varia in loca transiret usque