250 Acta Apostolicæ Sedis - Commentarium Officiale

ticam adorationem. filialem devotionem erga Beatam mariam Virginem

nutriebat atque e precibus intensis et ferventibus vigorem hauriebat ad

religiosam missionalemque perfectionem assequendam. Pastoralis eius na-

vitas peculiari modo efficax fuit quia constanti testimonio est ditata. Sin-

gularibus eminebat donis ad conscientias illuminandas atque consilia illis

ferenda qui conveniebant eum. Vitam humiliter agebat, cotidie adimplens

munera diligenter sub luce regulae sui instituti atque cum maximo sensu

fraternitatis communitariae. omnes vivebat eventus, etiam illos dolentes ob

persecutionem et infirmitatem, sub luce fidei, ita ut illi qui eum cognosce-

bant intellexerunt se adstare non solum coram persona plene aestimationis

et fiduciae digna, sed etiam peculiariter exemplari et virtutibus praedita.

interdum valetudo eius extenuabatur atque, ob cerebri implicationes,

ad finem vitae pervenit. Pie in domino die 25 mensis iunii anno 1950

in mexico obdormivit. eius exsequiae signum fuerunt eloquens sanctitatis

famae quam apud Populum dei sibi conciliavit.

Hanc ob sanctitatis famam, inquisitio apud archidioecesim mexicanam

a die 4 mensis februarii anno 2000 ad diem 18 mensis Septembris anno

2001 est instructa, cuius iuridicam validitatem die 26 mensis aprilis anno

2002 congregatio de causis Sanctorum decreto recognovit. Parata Posi- tione, disceptatum est, secundum solitas normas, an Servus dei virtutes heroico modo exercuerit. Positivo cum exitu, die 20 mensis maii anno 2011,

congressus habitus est Peculiaris consultorum theologorum. Patres cardi-

nales et episcopi in Sessione ordinaria die 15 mensis ianuarii anni 2013,

me, angelo cardinale amato moderante, edixerunt Servum dei virtutes

theologales, cardinales iisque adnexas heroicum in modum exercuisse.

facta demum de hisce omnibus rebus Summo Pontifici francisco per

subscriptum Praefectum accurata relatione, Sanctitas Sua, vota congregatio-

nis de causis Sanctorum excipiens rataque habens, hodierno die declaravit:

Constare de virtutibus theologalibus Fide, Spe et Caritate tum in Deum tum

in proximum, necnon de cardinalibus Prudentia, Iustitia, Temperantia et

Fortitudine, iisque adnexis, in gradu heroico, Servi Dei Moysis Lira Serafín,

Sacerdotis professi Congregationis Missionariorum a Spiritu Sancto et Fun-

datoris Congregationis Missionariarum a Caritate Mariae Immaculatae, in

casu et ad effectum de quo agitur.