252 Acta Apostolicæ Sedis - Commentarium Officiale

BononienSiS

beatificationis et Canonizationis servi dei olynthi Marella presbyteri dioecesani

(1882-1969)

dECrEtuM supEr Virtutibus

« dilexi, quoniam exaudit dominus vocem deprecationis meae; quia in-

clinavit aurem suam mihi, cum in diebus meis invocabam » ( Ps 116, 1-2). Servus dei olynthus marella die 14 mensis iunii anno 1882 in insula

Pellestrina in Venetorum aestuario natus est. Post primariae institutionis

scholam frequentatam vocationis ad sacerdotium percepit primordia, qua-

propter romam comitatus est, ubi apud collegium romanum ac dein apud

Seminarium maius degit, inter alios angelum roncalli, postea Sanctum

ioannem Papam XXiii, studiorum habens socium. alumnus summa lenitate

animi praeditus, iuvenis olynthus novissimorum pastoralium inceptorum

enixa eminuit sollicitudine, quae peculiarem eius doctrinae sociali eccle-

siae ostenderunt proclivitatem. aerumnae illis institutionis annis sane ob

cumulata praesertim familiaria funera haud defuerunt. Hanc etiam ob rem

Servus dei sacram theologiam extra Seminarium studuit et die 17 mensis

decembris anno 1904 presbyteratu auctus est.

anno 1905 Pellestrinam reditus, Sacrae Scripturae enarrationem at-

que fidei christianae historiam in Seminario clodiense intra fines dioecesis

patriae docuit. Hoc vero tempore, omnibus institutis suffultus in litteris

encyclicis Rerum Novarum expositis, « recreatorium » quoddam atque « Hor- tum infantium » super insulam fundavit pro filiis pauperum piscatorium

sustentandis.

interdum, magnis societatis, oeconomiae et civilis cultus reformationibus

eandem vitam ecclesiae funditus affìcientibus, Summus Pontifex Sanctus

Pius Pp. X constitutionum quarumdam ad modernismi, quod dicebatur,

haeresim repugnandam decrevit exsecutionem, quibus ipse Servus dei im-

plicabatur, qui enim quattuordecim annos a divinis suspensus est: iuveni

asperum certamen presbytero illud, quod ipse renovato fidei ardore ac

sollicito operis apud publicas scholas agendi quaestu praestare enisus est.

multis peregrinatis locis, anno 1924 Bononiam demum venit, quae exinde