CAPUT XIII.

Quae reiterantur eodem numero, et quae non, et quare.

Principium autem rursus intentionis naturae quaerendum est, utrum omnia secundum unum modum et similiter reiterantur numero eadem, haec autem reiterantur eadem specie ? Ex quo enim omnium secundum naturam continua est generatio, videtur quod omnia eadem secundum naturam debeant reiterari.

Est autem hujus quaestionis solutio, quod considerandum est in iteratis :

quia quorum substantia reiteratur incorruptibilis manens secundum formam et speciem in toto motu, illa reiterantur eadem numero, sicut sol reiteratur in obliquo circulo, quia motus sequitur id quod movetur, quia non est motus nisi existentis id actu, sicut dictum est in sexto Physicorum. Quorum autem substantia in mutatione non est incorruptibilis per speciem et formam, sed potius corruptibilis, hoc necesse est specie eadem reiterari, et non numero : ideo aqua est ex aere, et e converso aer ex aqua specie eadem et non numero : sed tamen cum aer tota sit materia aquae, et e converso aqua aeris, reiterata magis accedunt ad identitatem numero, quam animalia et homines reiterari: quia si de cibo generetur hos, et non de toto cibo, et si de bove generetur et de fimo terra, et de terra cibus qui est pabulum bovis, et de pabulo bovis iterum bos, de nullo istorum generatur toto, sed de parte: et ideo minus accedunt ad identitatem in numero quam faciant elementa in circulari generatione elementorum : unde si conceditur quod elementa aliquo modo reiterentur eadem numero, non tamen propter hoc conceditur, quod reiterentur eadem numero, quorum substantia penitus totalis est corruptibilis, qualem contingit non esse eamdem in generato et ex quo generatur. Haec autem de Generatione elementorum dicta sufficiant. Sed elementorum accidentia ad naturam pertinentia in tertio et quarto de Coelo et Mundo dicta sunt.

Vacuum esse concessit Leucippus, et illud esse sicut privationem, plenum vero esse principaliter ens. Iv, 13, tex. 60.

Venae minerales in terra vel in lapide non sunt oausae passionis, sed. dispositiones materiae, quae a tali activo passibilis est, et non ab alio. Iv, 20, tex, 77.

Visus est prior forma, dignitate et fine, omnibus sensibus. IIi, 5, tex. 7.

D.ALBERTI MAGNI,

RATISBONENSIS EPISCOPI,

ORDINIS PRAEDICATORUM