1. De Omnibus Sanctis.

1. O beata trinitas,

Rectrix saeculorum,
Una et par deitas,

Unas rex caeloram,
Pater, nate, spiritus,

Precibus sanctorum,
Quaeso, me de funibus

Solve peccatorum.

2. Ave, maris stellula,

Rosa puritatis,
O Maria, cellula

Summae trinitatis,
Angelorum speculum,

Aula pietatis,
Ora, mater, filium

Nostris pro peccatis.
3. Salveto archangele

Michael beate,
Turmae tu uranicae

Princeps nominate,
Qui pugnando fortiter

Zabulum sprevisti,
Regnaturum iugiter

Fac me caelo sisti.
4. Angele, qui meus es

Custos, ave, boue,
Nunc et omni tempore

Salvum me dispone,
Pelle procul zabulum

Mortis in agone,
Intra caeli gaudium

Animam repone,
5. Salve, mater aurea,

Anna amorosa,
Stirpe regum genita,

Valde generosa,
Iuva nosmet tertia

In hac criminosa
Vita, Iesu avia,

Dulcis et formosa.

6. Salve, Adam, maxime

Protoplaste Dei,
Microcosme nobilis,

Memor esto mei,
Quem a Deo credimus

De limo formatum,
Natum fac me fieri

Dei adoptatum.
7. Salve, sancte Moyses,

Princeps prophetarum,
Doctor et dux inclite

Israelitarum,
Per quem nobis caelicam

Deus dedit legem,
Tuis placa meritis

Mihi caeli regem.
8. Salve, David, regie

Vates et psalmista
Ac divini pneumatis

Dulcis citharista,
In conspectu Domini

Meas rege vias,
Fac me pure canere

Deo psalmodias,
9. Salve, pater Ioachim,

Pater venerande,
Angelorum, Cherubim

Laude praedicande,
Patriarcha celebris

Semper salutande,
Cum dilecta coniuge

Portam caeli pande.
10. Salve, vir spectabilis

Ioseph, o Maxiae
Sponse, tu amabilis

Tutor et Messiae,
Fac mihi placabilis

Sit Mariae natus,
Tibi tam affabilis

Prece rogitatus.

11. O praecursor Domini,

Iohannes Baptista,
Praecellentis meriti

Vates et legista,
Verbi vox, par angelis,

Potens agonista,
Confer pacem famulis

Proelia post ista.

12. Patriarchae veteres,

Omnes vos beati,
Et prophetae celebres

Pneumate adflati,
Quorum est ex semine

Deus homo natus,
Meos vestris meritis

Solvite reatus.

13. Petre beatissime,

Dux apostolorum,
Claviger aetheree,

Ianitor caelorum,
Veritatis regula,

Fidei et morum,
Prece tua vincula

Laxa peccatorum.

14. Salve, lux fidelium,

Vas electionis,
Paule, doctor gentium,

Flos dilectionis,
Sidus apostolicam,

Caeli micans donis,
Porrige suffragium

Tempore agonis.

15. Salve, maior Iacobe,

Salve, lux caelorum,
Christo iunctus sanguine,

Regi saeculorum,
Doctor et apostole

Dulcis Hispanorum,
Tuo fac nos munere

Compotes sanctorum.

16. Salve, princeps maxime
Evangelistarum,
Iohannes apostole,
Lux ecclesiarum,

Mihi, quaeso, obtine
Dona gratiarum,

Locum paenitentiae,
Veniam culparum.

17. Salve, vir dignissime,

Caelorum senator,
O Andrea maxime,

Crucis praedicator,
Tu, qui primus Domini

Eras imitator,
Sis in fine saeculi

Bonus mediator.

18. Salve, Thoma Didyme,

Sol Christianorum,
Indorum apostole

Et lux populorum,
Qui palpasti vulnera

Christi resurgentis,
Iram mei iudicis

Placa saevientis.

19. Salve, sancte Iacobe,

Mundi supplantator,
Iesu consanguinee

Vitaeque sectator,
O sancte apostole

Et patrone care,
Pro me, precor, sedule

Digneris orare.

20. O lampas ecclesiae

Fideique sator,
Philippe clarissime,

Orbis illustrator,
Precor te, apostole,

Mihi quem elegi,
Ut commendes iugiter

Me caelorum regi.

21. Salve, vir mitissime,

O Bartholomaee,
Nobilis apostole,

Vitae tutor meae,
Qui pro Christi nomine

Es excoriatus,
Fac, ut sit propitius

Mihi Dei natus.

22. O Matthaee inclite,

Domini symmista,
Nobilis apostole

Et evangelista,
Quibus Deum hominem

Factum declarasti,
Fac, ut per te corpore

Menteque sint casti.

23. O Simon clarissime,

Precor, caelestine,
Nobilis apostole,

Christi consobrine,
Munus mihi impetra

Caritatis binae
Sanctaque carismata

Deitatis trinae.

24. Thaddaee dulcissime,

O amice Dei,
Cum germano Simone

Memor esto mei,
Me confirma tempore

Noctis et diei
Fidei munimine

Atque sanctae spei.

25. Salve, evangelicae

Doctor veritatis,
O Matthia, nuntie

Sanctae trinitatis,
Tu, qui in apostolum

Es electus sorte,
Fac, ut per te pateant

Mihi caeli portae.

26. Omnes vos apostoli

Nostri redemptoris
Sanctique discipuli

Iesu salvatoris,
Vos cum coetu omnium

Evangelistarum
Donum mihi poscite

Dei gratiarum.

27. Salve, Christi pugilum
Signifer beate,
Protomartyr Stephane,
Miles lapidate,

O levita candide,
Fulgens puritate,

Posce donum animae
Plenum caritate.

28. Christi martyr inclite,

Decus athletarum,
O Laurenti, maxime

Splendor levitarum,
Dispensator optime

Rerum divinarum,
Mea, quaeso, dirime

Vincula culparum.

29. O Vincenti, assecla

Dei qui fuisti,
Per virtutum opera

Mundo effulsisti,
Dum tormenta varia

Fortiter vicisti,
Mihi reo mitiga

Iram Iesu Christi.

30. Salve, vir clarissime,

O Sebastiane,
Martyr Dei strenue,

Miles christiane,
A peste morbifera

Sero atque mane,
Quaeso te, me libera

Stygioque cane.

31. Maxime pontificum,

Princeps confessorum,
O Erasme, speculum

Pastorque pastorum,
Martyr robustissime,

Victor tormentorum,
Sis tuorum sedule

Memor famulorum.

32. Salve, decem milium

Martyrum famose,
O Achati, signifer

Et dux gloriose,
Tuis cum sodalibus

Pro me, precor, ora
Et culparum omnium

Veniam implora.

38. Christi martyr inclite,

Decus athletarum,
O Georgi, maxime

Splendor tenebrarum,
Miles invictissime

Duxque Clusinorum,
Nostra, precor, dirime

Vincula malorum.

34. O Mauriti inclite,

Princeps beatorum
Legionis militum

Sacrae Thebaeorum,
Martyr o spectabilis,

Audi devotarum
Tuis nunc cum sociis

Preces famulorum.

35. Omnes sancti martyres

Mundique victores,
Iesu Christi milites

Atque pugnatores,
Qui vicistis genera

Saeva tormentorum,
Nostra, precor, vincula

Solvite nervorum.

36. Salve, par apostolis,

Lux episcoporum,
O Martine nobilis,

Medicina morum,
Suscitator humilis

Trium mortuorum,
Aufer pestem corporis,

Pondus vitiorum.

37. Nicolae, pontifex

Mirae sanctitatis,
Sis salutis opifex

Nostrae pravitatis,
Unctionem impetra

Tibi dedicatis
Et post mortem caelica

Regna cum beatis.

38. O Gregori maxime,
Pastor Romanorum
Gentis et apostole
Nobilis Anglorum,

Audi nos, o praesulum
Regula cunctorum,

Et disrumpe scelerum
Vincula nostrorum.

39. Salve, vir clarissime,

Lux catholicorum,
O Ambrosi inclite,

Splendor confessorum,
Magistrorum optime

Doetorque doctorum,
Pia vota suscipe

Tibi devotarum.

40. Salve, decus praesulum,

Sol theologorum,
Augustine, speculum

Luxque clericorum,
Exstirpator criminum,

Mucro perfidorum,
Ora pro me Dominum

Cum coetu doctorum.

41. Salve, lux ecclesiae,

Falx haereticorum,
Doctor, o Ieronyme,

Gloriose morum,
Divinorum maxime

Interpres librorum,
Pro me bona loquere

Domino deorum.

42. Salve, mundi speculum,

Pater Benedicte,
Monachorum omnium

Princeps o invicte,
Fac praecepta regulae

Me servare stricte,
Vivere in ordine

Vere et non ficte.

43. Salve, Maure, nobilis

Dux discipulorum
Benedicti, principis

Divi monachorum,
O lux nostri ordinis,

Stella confessorum,
Placa tuis meritis

Regem saeculorum.

44. Salve, martyr Placide,

Christi athletarum
Comes invictissime,

Lux coenabitarum,
Benedicti assecla,

Sidus mundi clarum,
Nos in ista adiuva

Valle lacrimarum.

45. Salve, Paule inclite,

Dux eremitarum
Et princeps clarissime

Anachoritarum,
Sine dolo socius

Israelitarum,
Ad me veni protinus

In fine horarum.

46. O Antoni maxime,

Salus monachorum,
Dux orientalium

Luxque populorum,
Gloriose daemonum

Victor malignorum,
Per te sim caeligerum

Consors gaudiorum,

47. Salve, Christi assecla,

Spretor mundanorum,
O Arseni, regula

Recta monachorum,
Patrum lux et lilium

Eremi cultorum,
Placa mihi Dominum,

Regem angelorum,

48. Iubila, melliflue

Doctor devotorum,
O Bernarde, maxime

Institutor morum,
O divina caelibum

Normula cunctorum,
Posce mihi scelerum

Veniam meorum.

49. Salve, o Dominice,

Dux praedicatorum
Et fundator ordinis,
Per doctrinam morum

Convertens ad Dominum
Turbas populorum,

Sis adiutor omnium
Ad te conversorum.

50. O Francisce, caelice

Dei contemplator,
Summus evangelicae

Vitae praedicator,
Stigmatum seraphice

Christi exemplator,
Noster contra zabulum

Sis auxiliator.

51. O beati Magi tres,

Vos virtutum flores
Primique ex gentibus

Christi confessores,
Quem laudastis munere

Trino tunc infantem,
Hunc orate nunc pro me

In caelo tonantem.

52. Salve, vir spectabilis,

Comes palatina,
Antistes ecclesiae

Tu Hildesianae,
Divo qui coenobium

Fundas Michaeli,
Gaudiis post obitum

Iungito nos eaeli.

53. Omnes beatissimi

Christi confessores,
Eremitae, monachi

Cunctique doctores,
Qui tempsistis gaudia

Pro Christo terrena,
Nos, precamur, ducite

Caeli ad amoena.

54. Salve, sancta Agatha,

Dulcis et benigna,
Martyr Christi fulgida

Sponsaque praedigna,
Quae vicisti gravia

Pro Christo tormenta,
Ante Deum precibus

Pro me sis intenta.

55. Salve, rosa martyrum,

Agnes, virgo grata,
Per amoris annulum

Christo subarrhata,
Inclito martyrio

Fulges purpurata,
Ora pro me misero

Deleque peccata.

56. Salve, Apollonia,

Virgo peramoena,
Virginum lux splendida

In virtute plena,
Tuum ob martyrium,

O pudoris vena,
Barathri ac dentium

Salva nos a poena.

57. Sancta confer Barbara

Regni portionem,
Tua propter merita

Atque passionem,
Mei, tui famuli,

Tutum fac agonem
Corporis Dominici

Per susceptionem.

58. Sponsa Christi florida,

Salve, Dorothea,
Quae a Deo diceris

Nobis data dea,
Sanctis tuis meritis

Mens firmetur mea,
Morum semper copia

Crescat ut in ea.

59. Martyr invictissima,

Salve, Margareta,
Quae divino fueras

Numine repleta,
Dum draconem viceras,

Fortis o athleta,
Perduc me ad agmina

Beatorum laeta.

60. Salve, prudentissima
Virgo Katharina,
Regis Costi filia,
Martyr et regina,

Rogo, mihi impetra

Munera divina,
Cor refertum gloria

Atque disciplina.

61. Salve, sancta Ursula,

Mundum quae sprevisti,
Virgo constantissima,

Ob amorem Christi
Tuis cum sodalibus

Sanguinem fudisti,
Serva me ab hostibus

Et a morte tristi.

62. Cum patronis omnibus

Meis vos, beatae
Virgines castissimae,

Pro me supplicate,
Virginis me filio

Reconciliato,
Mortis in articulo

Ad me properate.

63. Salve, Iesu Domini

Nobilis amatrix,
Huius o Elisabeth

Saeculi calcatrix,
Sanctae elemosynas

Larga dispensatrix,
Precor te, sis animae

Meae dispensatrix.

64. O Maria vernula

Christi Magdalena,
Spei primiceria,

Caritate plena,
Norma paenitentiae,

Prece me serena
De peccatis erue

Et de Stygis poena.

65. Igitur vos pariter

Omnes, ad quos clamo
Quosque specialiter
Veneror et amo,
De culparum nexibus
Et de mortis hamo
Solvite me citius
Caritatis ramo.

66. Poscite prudentiam

Et cum caritate
Firmam patientiam

In adversitate,
Sanctam continentiam

Cum sobrietate
Et oboedientiam

Cum humilitate.

67. Mihi Dei gratiam,

Quaeso, impetrate,
Vestram per instantiam

Dominum placate,
In extrema horula

Simul me iuvate,
Cuncta adversantia

A me propulsate.

68. Omnes sancti angeli,

Patres et prophetae,
Nobis cum apostolis

Pacem obtinete,
Confessores, martyres,

Virgines, athletae,
Delictorum maculas

Precibus delete.
69. Omnes sancti simulque

Et vos sanctae Dei,
Pro me intercedite,

Mementote rei
Coram Christo iudice,

Obitusque mei
Post finem me iungite

Sanctae requiei.

70. Praesta, sancta Trinitas,

Mihi patronorum
Meorum per merita

Gaudia caelorum;
Tibi laus et gloria,

Deus angelorum,
Nunc atque per saecula

Cuncta saeculorum.