109. De ss. Hieronymo, Augustino, Thoma Aquinate.

1. Vos avete, admirandi,
Dulces patres collaudandi,

Flumine scientiae
Super cunctos praeferendi,
Claris donis extollendi
Septiformis gratiae.

2. Plus quam astra nunc fulgetis
Et aeterno nunc gaudetis

Lumine iustitiae,
Quod sperastis, iam habetis,
Credidistis, quod tenetis,

Aeternalis gloriae.

Ad sanctum Hieronymum.

3. Mundi pompam tu sprevisti
Et leonem domuisti

Sanctitatis culmine,
Tu ter linguis transtulisti
. Testamenta duo Christi
Uno dans volumine.

4. Ibi patet, quam es plenas,
Doctor sacer et amoenus,

Fugans hostes animae,
Tu ut Petras sic severus,
Christi fide sic sincerus

Succurre, Ieronyme.

Ad sanctum Augustinum.

5. Velut Saulus tu perversus
Et ut Paulus es conversus

A lapsu ruinae,
Theologiam post professus
Super Cherub ponis gressus
Mirabilis doctrinae.

6. Quam largiflue diffundis,
Robur hostium confundis,

Sunt mille quorum minae,
Nos exaudi de profundis,
Tuis reple rivis mundis
O pater Augustine.

De s. Thoma Aquinate.

7. Tu non impar his duobus,
Sed aequalis es ambobus,

Dives Dei munere
Ut Iohannes tu profundus
Et ut idem ita mundus

Pietatis iubare,
Eloquentia facundus,
Comitum es oriundus

Nobili de genere.

8. Tu, o Thoma de Aquino,
Par decoris Augustino

Dominici ordine,
Te clamamus nos ab imo
Peccatorum, tenens primo

Ecclesiae cardinem,
Nos perfundas, deprecamur,
Propter quod et veneramur

Hanc tuam imaginem.

Scripturis sacris doceamur,
Libris tuis imbuamur
Per tuam indaginem.

Conclusio.

9. O praeclari tres doctores,
Veritatis professores,

Exaudite supplices,
Mundanorum contemptores,
Aeternorum amatores

Confortate flebiles.

10. Qui clamamus deprecantes
Ad vos iam, o triumphantes,

Adiuvate flebiles,
Ut perducti collaetantes
Ad concives iam regnantes

Deo simus habiles.