50. De sancto Autherto.

1. Autberti vita inclita,

Fulgens in caelum superum,
Patet signis exhibita,
Quia suorum operum
Clara fecisti merita,
Conditor alme siderum.

2. Usurae grandi posuit
Talentum spiritalium,
In quo sollers sic studuit
Mares praecedens senium,
Quod illi clare profuit
Aeterna lux credentium.

3. Cum in virtute cresceret,
Fuit post sacerdotium
Pastor factus, ut regeret
Gregem Cameracensium
Et tibi corda redderet,
Christe, redemptor omnium.

4. Qui regem suis moribus
Dagobertum magnificum
Ac admonitionibus
Instruxisti famelicum,
Eius orationibus
Exaudi preces supplicum.

5. Pio precum suffragio
Latronum ab exercitu
Landelinum et studio
Digno convertit gemitu,
Permansit ille ; devio
Qui condolens interitu

6. Dum errantem hic visitat
Mente suum discipulum,
Ipse videt, nam suscitat
De consorte miraculum,
Spernit et metu cogitat
Mortis perire saeculum.

7. Huius patris sermonibus
Valde fecisti fervidum
Gillenum sacris domibus
Construendis ac providum,
Qui per eos in pluribus
Salvasti mundum languidum.

8. Retinere non valuit

Pompa mundi Vincentium,
Quando praesul consuluit,
Quin intret monasterium,
Unde beari meruit
Donans reis remedium.

9. Sponsi sui vestigia
Waldetrudem incedere
Fecit atque conubia
Propter Deum deserere,
Ne culpetur desidia
Vergente mundi vespere.

10. Flagra vit eius cultibus
Aldegundis plus balsamo,
Tantis et fulsit moribus,
Quod nequit scribi calamo
Gaudetque veli dotibus
Uti sponsus de thalamo.

11. Cum sepultura panditur
Huic visione maxima,
Qua Vedastus nunc colitur,
Pandens laude dignissima,
Poli de porta cernitur
Egressus honestissima.

12. Sane de caelo patuit
Metans eum cum virgula,
Quia rite disposuit
Divina tabernacula,
Praedicando, quod tenuit
Virginis matris clausula.

13. Vedastuni portans suscipit
Audomarus laetitiae
Lumen, quod fides accipit
Huius a rege gloriae,
Sub obsequiis subicit
Cuius forti potentiae.

14. Illi fuit transvehere
Furseum prece media,
Nam merebatur cernere
Cohors de caeli curia,
Cui tanto pro munere
Genu curvantur omnia.

15. Necdum ex beneficiis
Seque praesens ecclesia
Gaudet, immo reliquiis
Suis tota Germania,
Nam eius psallunt praemiis
Caelestia, terrestria.

16. Suum matricularium
Voce clamantem solita
Membris a tortis anxium
Cum sanant eius merita,
Dei corda psallentium
Fatentur nutu subdita.

17. Puer sanus efficitur
Paralizatum patiens,
Ubi suam amplectitur
Terram et fit exsiliens,
Ac super suum oritur
Occasum sol custodiens.

18. Caecus ut somno concipit
Fidem penes hunc obtinens,
Ab illo lumen accipit
Laudem precatus concinens,
A quo splendorem suscipit
Luna pallorem retinens.

19. Fulbertus de Senefia
Semivivum corpus ducens
Sanatur, huius praemia
Precans et menti reducens,
Quae declarat hac patria
Candor in astris relucens.

20. Cum pellit a muliere
Gehennales satellites
Et visens eam vivere
Decrevit inter sospites,
Christum ut laudet libere,
Certos observat limites.

21. De Fontanis pauperculam
Nihil habentem usiae
Prout curavit quaerulam,
Sic noxam plebis, kyrie,
Tergas et omnem maculam,
Te deprecamur, hagie.

22. Roberti conscientiae
Dum surrexerunt stimuli,
Corrector avaritiae
Quia fuit, et populi
Consors erit sententiae,
Venture iudex saeculi.

23. Hinniacenses languidos
Ut eius reddis decore
Per agni typum validos,
Sic oppressos facinore
Vesano, Christe, vividos
Conserva nos in tempore.

24. A columba decernitur
Virgulti ramos allidi,
Sacra capsa dum tollitur,
Ob flammas ignis torridi
Succensoque protegitur
Hostis a telo perfidi.

25. Dammo pro dato famulis
Audisse comminantia
Verba fur narrat praesulis,
Unde fuit iniuria
Suis notata titulis,
Laus, honor, virtus, gloria.

26. Latum corpus in operam
Sacrandorum initio
Mutum ab ortu puerum
Marceano coenobio
Fantem dedit ac liberum
Deo patri et filio.

27. Falsum testans litigiis
Certo Flandrorum ambitu
Nunquam caret dispendiis
Unius anni transitu
Suis iurans reliquiis
Una cum sancto spiritu.

28. Christe, gratanter audias
Recitata miracula
Patris huius et facias
Ita sub eius regula
Gratos, quod eos ambias
In sempiterna saecula.