8. De Omnibus Sanctis. Litania Metrica.
13. Ad s. Angelum Custodem ante sacrum oratio.
21. De s. quattuor Doctoribus.
22. De s. puattuor Doctoribus.
23. Memore des saintes privilegies. I.
45. De s. Arnulpho Villariensi.
109. De ss. Hieronymo, Augustino, Thoma Aquinate.
113. De ss. Iacobo et Philippo.
122. De ss. Iohanne Baptista et Evangelista.
123. De s. Iohanne Evangelista.
124. De s. Iohanne Evangelista.
125. De s. Iohanne Evangelista.
126. De s. Iohanne Evangelista.
158. De sancta Maria Magdalena.
160. De sancta Maria Magdalena.
197. De ss. Sixto et Sebastiano.
198. De B. Stanislao Casimiritano.
201. In Inventione s. Stephani.
203. Mira consonantia sanctorum Thomae apostoli et Thomae archiepiscopi et martyris.
210. Dialogus Papae et Mariae V.
211. Alphabetum de bonis sacerdotibus.
212. Alphabetum de malis Sacerdotibus.
215. De Pastore et Mercenario.
220. De Forma vivendi Monachorum.
221. Exhortatio ad Monachos de contempta saeculi.
223. De Habitu et Conversatione Monachorum.
224. De Patientia habenda in Capitulo.
225. Oratio dicenda in introitu lecti.
238. De Accusatione hominis erga Deum,
240. De Commendatione uniuscniusque ammae
241. De Contemptu omnium vanitatum.
251. Status Religinsiirum Moderans.
252. Conflictus Mundi et Abrenuntiantis.
253. Canticum, quo incitantur servi Dei ad caelestem patriam desiderandam.
256. Dialogus Mortis cum Homine.
257. Quod homo dehet cogitare, qualis erit in sepulcro.
258. Adhortatio ad terrorem omnium.
259. Adhortatio ad paenitentiam.
261. Exhortatio bona ad clerum.
263. Versus de Adventu Antichristi.
265. De Excidio Hierosolymorum.
266. Tbreni captis Hierosolymis.
267. Planctus pro diuturna captivitate terrae transmarinae per Saladinum.
269. De Eleemosyna Vagis danda.
Carmen episcopi Brunonis invehentis contra papam.
1. Olim nostrum ordinem
principes amabant,
Et Romani praemules
ipsum honorabant,
Grata privilegia
gratis nobis dabant
Et praeter suffragia
nihil postulabant.
2. Nunc est tributarius
idem ordo factus,
In communem omnium
sortem est redactus,
Servituti subiacet.
totus est confractus,
Pro subventionibus
ad usuras tractus.
3. Plures domus ordinis
debitis gravantur.
Et ex hoc pericula
magna generantur.
Nam ut debitoribus
debita solvantur,
Oportet, ut redditus
vel tenue vendantur.
4. Nostra bona tradita
ordini iam pridem
Successores filii
auferunt eidem,
In factis eiusmodi
peccant multum quidem,
Patrum elemosynis
non servantes fidem.
5. Olim dum simplicitas
ordinis vigebat,
Nos laudabant homines,
nullus nos laedebat,
Collectas ab ordine
nemo requirebat,
Sed ordo pacifice
Deo serviebat.
6. Nunc videntes homines
grandes apparatus,
Equos et saumarios,
splendidos ornatus,
Dicunt, nisi locuples
esset horum status.
Non valerent ducere
tales equitatus.
7. Propter terras etiam,
vineam et prata,
Quae sunt a fidelibus
quondam nobis data,
Nos rodunt, nos lacerant,
dicunt: nimis lata
Sunt bona, quae possidet
gens haec cucullata.
8. Ipsi non considerant,
quantum laboramus,
Non ut nos tantummodo
sed multos pascamus,
Supervenientibus
bona nostra damus
Et exinde modicum
nobis reservamus.
9. Nos samus in pluribus
similes iumento,
Cui dantur paleae
excusso frumento,
Sustentamur etenim
pane et pulmento,
Servato hospitibus
lauto nutrimento.
10. Nos sumus agricolae,
sed nostra cultura
Saepe fit inutilis
nobis propter plura,
Nam corrupti aeris
turbata natura
Modo laedit vineas,
modo laedit rura.
11. Ea, quae pauperibus
solebamus dare
Et in usus varios
hospitum aptare,
Cogimur de cetero
nobis reservare,
Ne nos haec benignitas
cogat mendicare.
12. Quid prodest tot vineas,
tot agros tenere,
Laborare iugiter
et semper egere?
Mendicis ordinibus
melius est vere
Quam nobis, qui talia
videmur habere.
13. Papa nihil appetit
ab his sibi dari,
Quia nudus aliquis
nequit spoliari,
In hoc solent ordines
isti gloriari,
Quod possessionibus
nolunt onerari.
14. Ipsi nihil possident
nec sunt indigentes,
Colunt enim divites
frequenter petentes,
Apud eos commedunt
nihil respuentes,
Quae sibi conveniunt,
dapibus utentes.
15. Surgentes a prandio
remotisque mensis
Benedicunt Dominum
manibus extensis,
Retributis hospiti
gratiis immensis
Recedunt nec computant
de factis expensis.
16. De ista materia
plura non loquamur,
Sed ommissis aliis
ad nos revertamur,
Poenas huios temporis
laete patiamur,
Ut bonis caelestibus
frui mereamur.
17. Signum est, quod Dominus
non vult nos perire,
Qui nos tamquam filios
non cessat ferire,
Ipse per haec tristia
det nobis transire,
Quod ad vera gaudia
possimus pervenire.
18. Amen, Amen dicite
Fratres, Benedicti
Patris qui almifici
regula constricti
In claustris ut milites
certatis invicti,
Ut in caeli curia
sitis benedicti.