54. De sancta Barbara.

O Barbara sanctissima,
Virgo felicissima,
Multum passa tu dolorem
Es divinum ob amorem.
5. Latus tuum laceratum
Est et igne concrematum,
Caput ferro malleatum,
Corpus mammis viduatum,
In plateis es nudata,

10. Ense diro defricata.

Pro me Christum interpella,
Digna martyr et puella,
Ut ob tuam passionem
Mihi det remissionem,

15. Quae commisi, peccatorum
Et det fontem oculorum,
Ut commissa possim fiere,
A futuris me cavere.
Propter poenas, quas tulisti,

20. Quando caput extendisti
Tui patris sub mucrone,
Libro vitae me impone.
Christum placa, mortis hora
Assis mihi sine mora,

25. Pelle procul inimicum
Et ostende caeli vicum,
Ut per eum tutus vadam
Et non in tormenta cadam.
Poenas multas sustulisti

30. Ob amorem Iesu Christi,
Tuas ergo preces audit
Nec his caeli portas claudit,
Tu pro quibus vis orare;
Pro me, quaeso, deprecare,

35. O Barbara, caeli ducem,
Ut aeternam mihi lucem
Det in choro salvandorum
Per saecnla saeculorum.