8. De Omnibus Sanctis. Litania Metrica.
13. Ad s. Angelum Custodem ante sacrum oratio.
21. De s. quattuor Doctoribus.
22. De s. puattuor Doctoribus.
23. Memore des saintes privilegies. I.
45. De s. Arnulpho Villariensi.
109. De ss. Hieronymo, Augustino, Thoma Aquinate.
113. De ss. Iacobo et Philippo.
122. De ss. Iohanne Baptista et Evangelista.
123. De s. Iohanne Evangelista.
124. De s. Iohanne Evangelista.
125. De s. Iohanne Evangelista.
126. De s. Iohanne Evangelista.
158. De sancta Maria Magdalena.
160. De sancta Maria Magdalena.
197. De ss. Sixto et Sebastiano.
198. De B. Stanislao Casimiritano.
201. In Inventione s. Stephani.
203. Mira consonantia sanctorum Thomae apostoli et Thomae archiepiscopi et martyris.
210. Dialogus Papae et Mariae V.
211. Alphabetum de bonis sacerdotibus.
212. Alphabetum de malis Sacerdotibus.
215. De Pastore et Mercenario.
220. De Forma vivendi Monachorum.
221. Exhortatio ad Monachos de contempta saeculi.
223. De Habitu et Conversatione Monachorum.
224. De Patientia habenda in Capitulo.
225. Oratio dicenda in introitu lecti.
238. De Accusatione hominis erga Deum,
240. De Commendatione uniuscniusque ammae
241. De Contemptu omnium vanitatum.
251. Status Religinsiirum Moderans.
252. Conflictus Mundi et Abrenuntiantis.
253. Canticum, quo incitantur servi Dei ad caelestem patriam desiderandam.
256. Dialogus Mortis cum Homine.
257. Quod homo dehet cogitare, qualis erit in sepulcro.
258. Adhortatio ad terrorem omnium.
259. Adhortatio ad paenitentiam.
261. Exhortatio bona ad clerum.
263. Versus de Adventu Antichristi.
265. De Excidio Hierosolymorum.
266. Tbreni captis Hierosolymis.
267. Planctus pro diuturna captivitate terrae transmarinae per Saladinum.
269. De Eleemosyna Vagis danda.
Carmen episcopi Brunonis invehentis contra papam.
1. Tempus acceptabile
tempus est salutis,
Tempus est excutere
regnum servitutis,
Accingamur igitur
gladio virtutis
Resistentes fortiter
hostibus hirsutis.
2. Quasi leo rugiens
hostis investigat,
Variis contagiis
animos fatigat,
Quaerit, quos decipiat,
et deceptos ligat,
Ut aeternis morsibus
miseros adfligat.
3. Graviter offendimus
regem maiestatis
Qui nos per clementiam
summae trinitatis
Suam nobis gratiam
conferendo gratis
Sanet a languoribus,
mundet a peccatis.
4. Res infelicissima,
cur non confiteris?
Die tuas malitias,
ut iustificeris,
Steriles indutias
et inanes quaeris
Exspectando senium,
forte cras non eris.
5. Carnis pestilentiae
restringamus lora,
Si quae bona facta sunt,
fiant meliora,
Erigamur igitur
ad honestiora,
Ne nos ad interitum
trahat ista mora.
6. Forte tamen cogitas.
vivam decem annis,
Tunc me durioribus
castigabo pannis
Et induar vestibus
Pauli vel Iohannis,
Sic exspectat rusticus,
donec fluat amnis.
7. Quisquis ergo paenites,
lacrimis abunda,
Et corde et opere
tua facta munda,
Istos David lapides
posuit in fanda,
Haec est post naufragium
tabula secunda.
8. Cogitate, clerici,
qui vel quales estis
Et quid in iudicio
dicere potestis,
Non erit alicui
locus in digestis,
Idem erit Dominus
iudex, actor, testis.
9. Iudicabit iudices
iudex generalis,
Nihil ibi proderit
dignitas papalis,
Sed foetorem sentiet
poenae gehennalis,
Sive sit episcopus
sive cardinalis.
10. Nihil ibi dabitur
bullae vel scriptori,
Nihil camerario
sive ianitori,
Sed dabuntur praesules
pessimo tortori,
Quibus erit vivere
sine fine mori.
11. Vobis ergo praecipit
conditor eaelorum,
Ut vos sitis quilibet
socii iustorum,
Ut columbae simplices
ad exempla morum,
Consortes si fieri
vultis angelorum.
12. Vestros, ait Dominus,
renes accingatis,
Quod est absque dubio
zona castitatis,
Ac lucernam etiam
manibus feratis,
Ut exemplum populo
bonum praebeatis.
13. Viri venerabiles,
servientes arae,
Vobis iubet Dominus
plebem castigare,
Informare moribus,
in spe radicare,
Ut et vos cum populo
possit laureare.
14. Sacerdoti convenit
legem sacram scire,
Plebem vita, moribus,
verbis erudire,
Ut, cum tandem venerit
illa dies irae,
Piam vocem Domini
possit hanc audire:
15. Sacri vos presbyteri,
sacri vos prophetae,
Quod vobis paratum est,
regnum possidete,
Quod vobis paratum est
sine metu metae,
Benedicti filii,
mecum congaudete.
16. Fertur dies Domini
quasi fur venire,
Hic dies miseriae
atque dies irae,
Ad hanc quisque studeat
sese praemunire,
Ut ad caeli gaudia
possit pervenire.