86. De sancta Dorothea.

1. Stella lucens clare,
Tui est donare,
Christi imperare, "

Mei sed rogare.

2. Tibi, virgo, non est fas,
Ut precata denegas,
A Christo cuncta impetras,

Posse tuum non est breve.
Si non tua pietas
Effectum preci daret,
Mis mens vacillaret,
Cui adest anxietas

Timoris non leve.

3. Si ergo non annuit

Tis favor, id, quod petam,
In extasim corruit,
Orandi volo metam.

4. Rogo, sis, piissima,
Mihi non ingrata
Mala ob gravissima,
Commisi quae, peccata.

5. Superbiae elatio,
Luxus delectatio,
Irae, avaritiae,
Invidiae, saevitiae,

6. Gula et acedia,
Boni et desidia
Non pellant tis subsidia,
Dum tantis sis ditata donis,
Singulis dotata bonis.

7. Quis est tam sine cerebro
Et expers sanae mentis,
Qui non oraret te crebro
Dum gratiae ingentis
Sis dotis et fluentis.

8. Indigne refutares

Quemlibet peccantem,
Cum annuendo dares
Rogata per blasphemantem.

9. Rogavit prece unica

Theophilus abs corde,
Cui mala punica,

Rosas carentes sorde
Misisti; sic plenissime

Me audi supplicantem,
Christum habes firmissime

Tibi nil negantem ;

10. Ut vox evangelica
Fari licet nobis,
Quidquid voce caelica
Petatis, fiat vobis.

11. Columba simplex tu leonem
Theophilum cepisti,
Ad veram hinc dilectionem
Carentis norma,
Praeclara forma
Cunctis natis hominum,
Largitoris omnium
Tuis donis vinxisti,
Serpentem sic vicisti.

12. Theodori o filia,

Quae mentis cum vigilia
Quaeque fugas vilia
Naturaeque debilia

Lampade fervente
Castigas, ut morales,
Virtutes theorales,
Mores naturales

Pura servans mente.

13. Te, virgo, petit omnis clerus,
Gentis laudat coetus plerus,
Animus gementum meras
Suspirat pro iuvamine,
Dolor, tribulatio,
Maerentum conturbatio
Clamat pro solamine.

14. Horum collegam
Me fore legam,
Agens, oro, ut sic degam,
Da, quod mis defectus tegam.

15. Haec, virgo, dona, quae pro
donis
Sunt data specialibus
Tibi hora in agonis
Et tuis sodalibus.

1G. Deus nam praevidit tibi,
Sibi ut ab aeterno
Famuleris hic et ibi,
Scribit coetu in superno.

17. Et haec in te parentes tui

Strui
Singulari praemio
Meruerunt vitam sui,

Frui
Tecum Christi praemio.

18. Cuius vivens apostola
Es ipsum praedicando,
Sui turbam augmentando,
Eidem eius promulgando
In vita sic pro morte sola
Stola laetabunda
Texit Christus te iucunda.

19. Sic caeli manes incola,
Sic iam ostendunt satis
Dona tuae pietatis
Plurima prodigia,
Quae per te Christus tis post

mortem
Fecit multis dando sortem,
Finem rectum, vitam fortem
Et sequi tis vestigia.

20. Aliaque multa signa,
Tua sanctitate digna,

Quae nunc narrare transeo,
Haec ineffabilia
Neque scrutabilia

Sensus per aspectum,
Incontemplabilia
Per hominis intellectum.

21. Ach, virgo, haec precata
Voluntate cape grata,
Quae impetrasti mihi dona,
Dona bona, zona
Hostium me non ligat,
Nec figat
Immunda
Verecundiae unda,
Facundiaeque linguam puram
Placituram
Deo et hominibus
Da nunc in omnibus,
Ut non deficiam
Sidam-
que semper fontem vivum ;
Divum rivum
Contritionis in me funde,
Tunde cor meum reum
Devotam ad confessionem,
Totam satisfactionem,
Vitam perfectam,
Fidem rectam,
Regem noscam angelorum
Tuum per iuvamen,
Cui laus per saeculorum
Saecula. Amen.