141. De sancta Katharina.

1. Ave, virgo Katherina,
Ave, martyr et regina,
Ave, sponsa Christi vera,
Ave, mitis et sincera.

2. Virgo Dei, Deo digna,
Christo prece me consigna,
Preces audi peccatoris
Et me munda intus, foris.

3. Preces audi, praesta votum,
Cor in bono fac immotum
Confer mihi cor contritum,
Rege visum et auditum.

4. Rege gustum et olfactum,
Virgo sancta, rege tactum,
Ut in cunctis te regente
Vivam Deo pura mente.

5. O beata Katherina,
Babylonis de sentina
Mihi tutum da ducatum,
Plasmatorem fac placatum.

6, Esto mihi consolatrix,
Pro me sis interpellatrix,
Pro me Christum interpella,
Salva mortis a procella.

7. Superare fac me mundum,
Ne demergar in profundum,
Ne me sinas naufragari
In peccatis in hoc mari.

8. Virgo Dei, nunc memento,
Quo labore, quo tormento
Regnum Dei meruisti,
Quae sic caelum conscendisti.

9. Potens in conspectu Dei
Memor esto, precor, mei,
Memor esto supplicantis,
Memor esto, quod in tantis

10. Sum peccatis constitutus,
Memor esto, quod pollutus
Faece culpae nimis foedor;
Memor esto, quantis laedor

11. Intus, foris culpae spinis ;
Fac securum me de minis
Corruentis hujus mundi;
Iuva, virgo, ne obtundi

12. Ictu sinas me draconis
Infernalis Babylonis,
Sed da locum et solamen
In caelesti Ierusalem.

13. Agonista Dei fortis,

Esto praesens hora mortis,
Decumbentem fove, leva
Et de morte solve saeva,

14. Ut te duce, Katherina,
Migrer tecum hinc, regina,
Et caelesti fruar dono
lubilando dulci sono,

15. Laudans Iesum voce digna,
Per quem mira fiunt signa;
Mors me duplex non infestet,
Iesus Christus illud praestet

16. Prece tua exoratus,
Idem pater, idem natus,
Idem utriusque flamen,
Qui vivit et regnat. Amen.

141a. De sancta Kathariua.

1. Gemma Dei pretiosa,
margarita fulgida,
Sponsa Dei gloriosa,
paradisi viola.

2. Virgo Dei, Katharina,
prudens et mitissima,
Quae pro Christo detruncata
aula regnas caelica.

3. Ora pro me peccatore
apud regem gloriae,
Cuius fulges claritate
ut sol in meridie.

4. O beata, benedicta,
dulcis et piissima,
Pulsa prece indefessa
Christi pia viscera,

5. Ut me salvet et gubernet sua semper gratia,
Ut post huius vitae cursum ducat ad caelestia.