277. De Corvo s. Vincentii.

1. Hispalis orbe sub occiduo
Limine vergitur exiguo,
Obtinet haec sibi regna duo,
Nomine sed spoliata suo
Prodigio nitet assiduo.

2. Urbs igitur simul et patria
Aequivoce nova Sybilla
Ultima dicitur Hesperia,
Pro deitate colens varia
Sacrilega prece daemonia.

3. Hac tamen in regione Deus,
Quem colimus, pater aethereus,
Quae facit utpote basileus,
Si taceam, reor esse reus;
O placeat sibi sermo meus.

4. Cella procul bidui spatio
A populi manet hospitio,
Sancta monastica religio
Degit in hac velut exsilio
Nullius indiget auxilio.

5. Sola Deo vacat haec eremus,
Fert scopulos aridumque nemus,
Mons supereminet aerius,
Oceanum videt inferius,
Nil monachis libet exterius.

6. Mons etiam capit ecclesiam
Inter utrumque decus mediam,
Claustra decoris habent faciem,
Cuncta boni retinent speciem
Et specietenus almitiem.

7. Hic Vincentius armipotens,
Cui Dominus Deus omnipotens
Vincere carnifices tribuit,
Lipsana dum sua deposuit,
Nobilius caput exposuit.

8, Post rabiem canis indomiti,
Post diadema datum capiti,
Militis illius emeriti
Membra Valentia promeruit,
Huc deitas caput applicuit.
9. Audiat orbis et omnis homo
De placita tibi, Christe, domo,
Quale decus sibi contuleris,
Quam sibi dapsilis exstiteris,
Muneris id cui praestiteris.

10. Audiat hoc pius et stupeat,
Noverit impius et doleat,
Vel Dacianus id invideat,
Quid Vincentius exhibeat,
Quid caput illius obtineat.

11. Novimus hic Satanae famulus
Nequitiaeque suae cumulus
Quod validum Domini pugilem
Vincere non potuit vigilem,
Aeris istius visibilem.

12. Laniat hunc, cremat et perimit,
Supplicium neque mors redimit)
Est modicum, quia sic moritur,
Rursus eum lupus aggreditur,
Membra per aequora persequitur.

13. Mergitur altius in pelagus,
Erret ut amodo fluctivagus,
Et mare praebuit officium,
Unda fuit leve navigium,
Litus ei parat hospitium.

14. Interea Deas eximias

Servat ab aethere reliquitis,
Corvus adest, facit exsequias,
Hinc abigit volucres alias
Necne feris movet insidias.

15. Excubat ales et obsequitur,
Stat lugubris, quia compatitur,
Esse nefas putat illicitum
Tale relinquere depositum,
Dum foret ordine compositum.

16. Mira referre coram videor,
Miror et ipse, coram fateor,
Martyris ad caput ambrosium
Corvus adhuc regit officium
Ut venerabile mancipium.

17. Quodque bouum dominum sequitur
Atque fideliter obsequitur,
Quam bona praemia consequitur,
Deliciis domini fruitur,
Non senuit nec adhuc moritur.

18. In patris ergo monasterio
Non sedet absque ministerio,
Credimus illius imperio,
Qui per avem similem vario,
Helia, te fovet edulio.

19. Ad quod opus satis angelicum,
Saecla per omnia glorificum,
Ne sit ei grave, vel modicum,
Sanctus ei levat officium,
Namque parem dedit ac socium.

20. Nunc igitur, quid agat volucris,
Audiat orbis amans alacris.
Mane quidem seu diluculo
Impiger excutitur loculo
Cum pare vel potius famulo.

21. Prodit uterque monasterio
Veridico satis augurio,
Sancta vacat schola psalterio,
Hi peragrant agili studio,
Quanta subest eremi regio.

22. Si peregrinus amore Dei
Atque calore suae fidei
Ad capitis thalamum rosei
Dona ferat precls aut olei,
En, veniunt, ?amuiantur

23. Non alios laqueos adeunt,
Qui loca devia practereunt,
Sed facies hominum fugiunt,
Agmina perfida despiciunt
Deque fidelibus excipiunt.

24. Hos igitur sibi conciliant
Hisque sagaciter adpropriant,
Partibus ex quibus adveniant,
Qui cruce salvifica radiant
Martyris ac meritis inhiant.

25. Et quia nulla notabiliter
Pervia semita signat iter,
Fertur enim quod et in propriam
Plurima tollit arena viam,
Qualiter aura movet Lybiam,

26. Alter eis alacris facie
Angelica velut in specie
Iungitur et volitans leviter
Sponte piger graditur pariter
Praevius aut bene dictat iter.

27. Mittitur alter ad ecclesiam,
Accelerat magis ille viam,
Qui veniens sedet in solio
Et facili satis indicio
De solito monet hospitio.

28. Ilicet ille sacer cuneus

Hospes adest, quibus ipse Deus

Alitis huius ad auspicium
Non adhibent breve scrutinium.

29. Quisque libens animo properat,
Quo sua munia prima gerat,
Qui det aquam frigidam manibus,
Qui calidam laceris pedibus,
Qui calices ferat hospitibus.

30. Ad mare curritur interea,
Gaza requiritur aequorea,
Ut venientibus hinc agapes,
Hinc valeant adhibere dapes,
Quomodo mellificatis apes.

31. Nil minus abnegat oceanum,
Fit melius super Eridanum,
Praeda libens venit ad calamum,
Novit amatque replere manum
Piscis et ipse requirit hamum.

32. O satis et super egregia,
O nimis inclita prodigia,
Quot Deus advehit huc famulos,
Tot tribuat mare pisciculos
Iuxta pares hominum titulos.

33. Non magis et minus accipiunt,
Retia mittere qui veniunt,
Quam venientibus eveniunt,
Nam numerum numeri inveniunt
Votaque consona proveniunt.