234. Lessus paenitentis.

1. Clamat, ecce, supplex mea
Nunc ad te miseria
Petens, ut digneris tua

Me misericordia
Hac respicere in hora
Torpentem socordia.

2. Age, iam mei mollita
De cordis duritia

Educ, quaeso, modo multa
Lacrimarum flumina

Ad facinora deflenda
Simul et flagitia.

3. Graviter peccavit mea

Nam tibi dementia,
Fortiter succurrat tua

Sed mihi clementia,
Quoniam est tibi tanta

Ceu nulli potentia.
4. Tu es trinus, tu es unus,

Tu es potentissimus,
Ob hoc meis da dignatus

Flumina luminibus

5. Tu petram in stagna dudum
Convertisti laticum

Atque rupem in aquarum
Fontes multiplicium,

Tu potes cor ita meum
Emollire ferreum,

6. Tu pectus adamantinum
Reddere ut carneum,

Tu mutare hunc belvinum
In humanum animum

Veteremque vel antiquum
In iam novum spiritum.

7. Ad cadendum sola mea
Sufficit miseria,
Ad surgendum eget tua

Sed misercordia,
Quia inest mihi multa,
proh dolor, vecordia.

8. Porrige iam lapso manum,
Da luctum, da gemitum,

Dona fletum, dona planctum
Ploratumque plurimum

Facque cor humiliatum,
Conturbatum spiritum.

9. Plorem, pater, vehementer
Te donante iugiter,

Plorem, fili patris, semper,
Flagito suppliciter,

Plorem, spiritus o sacer,
Te favente impiger.

10. Lacrimer indesinenter

Et incessabiliter
Lamenter necnon instanter,

Infatigabiliter,
Ut post perpetim consoler

Tecum et exhilarer.

11. Summe pater, miserere

Ac misericordiae
Miseranter, quaeso, tuae

Clemens reminiscere
Et ad meum me attrahe

Forti Iesum robore.

12. Tuque, Domine, o Christe,
O caput ecclesiae,

Attractum, deposco, ad te
Me dignanter recipe

Et receptum solidare
In te noli spernere.

13. Tuque, o spiritus sancte
Ac dulcis paraclite,

Mei semper meminisse
Noli, rex, contemnere,

Sed da patrem filiumque
Atque te diligere.

14. Deus trine, Deus une,
Deus clementissime,

Trinitas colenda corde,
Mente atque pectore,

Unitas amanda valde
Omni nobis tempore.

15. Qui es quadri diligendus
Orbis in climatibus,

Sed mei plus irritatus
corporis, heu, sensibus,

Quam sis mundi a totius,
Credo, peccatoribus.

16. Miserere, quaeso, Deus,
Miserere concitus,
Succurre, deposco, prius
Quam inferni abyssus
Me absorbeat, quo nullus
Utilis est gemitus.

17. Respice quapropter prius,
Filius et spiritus,

Trinus Deus atque unus,
Pereat quam famulus,

Quem plasmasti tuis pius
Miserando manibus.

18. Manuum tuarum opus
Respice clementius,

Si respexeris, ploratus
Sequetur uberrimus,

Immo simul ululatus
Erit amarissimus.

19. Ego, pater, ille tuus
Prodigus sum filius,
Abs te procul exsul factus,

Qui fui diutius
Meretricibus coniunctus
Et consumptis omnibus,

20. Quae tu, bonus, es largitus,
Panis miser indigus,
Effectus fui subulcus,

Saturari cupidus
Siliquis, sed dedit nullus,
Quae dabantur suibus.

21. In me autem nunc reversus
Cum sim mendacissimus
Cumque tuae sciam prorsus

Multos penetralibus
Mercenarios in domus
Abundare panibus,

22. Reminiscens, quod benignus
Es atque piissimus,

Pietate tua fisus,

Quamvis in dignissimus

Nomine servi misellus
Filiique penitus,

23. Advolutus clamo tuis
Eiulans vestigiis:
Pater mi, peccavi meis

In caelum miseriis

Atque coram te delictis

Gravibus et nimiis.

24. Non sum dignus dici tuas
Servus necdum filius,

Sed iamiam dignetur meus
Pater clementissimus

Tractare suam benignus
Pietatem citius.

25. Eripe de portis mortis
Me, pater amabilis,
Pereat ne tui iuris

Suis plasma meritis,
Abest panis, adest famis,
Pestis miserabilis.

26. Nemo panem habet vitae
Praeter te, altissime,

Quem nunc cernor esurire
Indignus percipere,

Sed gratuito largire
Tu, pius, hunc munere.

27. Saginatus est occisus
Fratri meo vitulus,

Qui fuit peregrinatus
A patre diutius,

Cum multis luxuriatus
Miser meretricibus.

28. Qui ad te ubi reversus
Fuit mendicissimus

Consumptis paternis rebus
Atque bonis omnibus,

Indigens suilis victus
Sed carens hoc funditus,

29. Inops panis, dives famis,
Ut est patris oculis
A longe respectus, priscis

Est donatus osculis,
Amplexatus et benignis
Vehementer brachiis.

30. Aliud nil fuit fessus,
Quod esset et filius

Eius ultra iam indignus,
Servis a fidelibus

Prima stola est indutus,
Inde manu annulus

31. Est confestim sibi datas,
Tegumenta pedibus,

Pariterque saginatus
Est occisus vitulus,

Sicque fuit epulatus
Tecum, pater, filius.

32. Ergo, quia est inventus,
Fuerat qui perditus,
Rediit resuscitatus

Et revixit mortuus,
Gaudio magno gavisus
Est cum servis dominus.

33. Igitur ego ipsius

Nunc ad te fraterculus
Clamo tuis advolutus,

Pie pater, pedibus,
Tuus, fateor, indignus,

Nihil minus filius.

34. Ecce, petit miser Hugo

Veniam sceleribus
Pro suis, offensum quibus

Te tristatur pluribus,
Quam polus ipse depictus

Splendeat sideribus.

35. Ergo, sicuti tunc pius
Nihil eras amplius,
Tam clementer es misertus

Nato currens obvius,
Miserere sic dignatus
Modo mei ocius.

36. Et quidem nil eo minus,
Verum multo amplius,

Peccavi tibi protervus
Diebus ac noctibus,

Ad bonum, proh nefas, tardus,
Ad malum promptissimus.

37. Iustificavi misellus
Meis facinoribus
Peccatores omnes, mundus
Quos tenet quadritidus,
Proinde peto prostratus,
Miserere citius.

38. En, Iesu, quatriduanus,
Bone pastor, Lazarus
Mortis in sepulcro situs
Iamque nimis foetidus,
Monumento quamvis pressus,
Iamiam scatens vermibus;

39. Ecce, iacet interemptus
Multis pro criminibus,

Quae gessit e contra stultus,
Segnis, hebetissimus,

Privatus velut ambobus
Cum sensu luminibus.

40. Freme, freme, bone Iesu,
Ac turbare spiritu,

Lacrimare pio fletu
Servi pro interitu,

Propria qui semet manu
Interemit iamdiu.

41. Clama, clama, Iesu Christe,
Voce magna, Domine:
Prodi foras, tumulate,
Veni foras, Lazare,
Exi, exi ac procede
Iam mortis de carcere.

42. Si clamaveris me, Christe,
Redemptor piissime,

Exibo leto repente
Ac procedam propere,

Quin vita servum vocante
Fugiet mors rapide.

43. Ligatus pedes et manus
Faciemque Lazarus

Prodiit ille antiquus
Voce Dei excitus ;

Sic ego, plus licet vinctus,
Non prodibo tardius.

44. Fili Dei, Christe, vivi,
Iube tui Lazari
Pedes, manus, ora solvi

Et abire desini
Et vestigiis advolvi
Sui sacris domini.

45. Tam tibi tuoque patri
Quam sancto spiritui,

Trino Deo atque uni
Corde, ore supplici

Grates ago, voce tali
Honore sub triplici:

46. Benedictus sit excelsus
Genitor et genitus

Spiritus necnon et sanctus,
perdulcis paraclitus,

Per quem suus est secundus
Suscitatus Lazarus,

47. Manicis qui magnis vinctus,
Constrictus compedibus,

Flammiferis destinatus
Poenarum ultricibus,

Quaetormentis exstant prorsus
Plenae multiplicibus.

48. Gloriam cantabo sane
Omni tibi tempore,

Si digneris evocare
Mortis me de limine,

Cui est vita cum patre
Et regnum cum flamine.

49. Tange, tange, Iesu Christe,
Meos clementissime
Oculos et squammas inde

Serpentinas abice
Fluminaque multa valde
Lamentorum eiice.

50. Factor, terge et reterge,

Quo plus fluant lacrimae,

Fluant nocte, fluant die,
Ut possint restringere

Flammas, quae sunt mihi iure
poenis meis debitae.

51. Spiritus o sancte, pia
Respice me gratia
Et mersum mortis in ima

Me, precor, vivifica
Ac vivificatum tua
Luce iam illumina.

52. Gratis nam fecisti tua

Me misericordia,
Gratis, flagito, reforma

Demum et resuscita ;
Gratis tua dantur dona,

Hinc dicuntur gratia.

53. Memento, Domine Deus,

Quod gignens ac genitus,

Ut est potens atque pius,
Sic tu nihilominus

Ante saecula benignus,
Mitis, potens, validus;

54. In quemcunque enim spiras,
Statim hunc vivificas,

Cum patre, cum prole tonas,
Regis et illuminas,

Gratiam cuivis donas,
Solidas et vegetas.

55. Quos placet, benigne vocas,
Vocatos sanctificas,

Humiles pius exaltas
Et altos humilias

Imumndosque quos vismundas,
Impuros purificas.

56. Quid plura? leprosos mundas,

Impios iustificas,
Cum patre proleque cunctas

Quasvis mentes recreas,
Insuper et recreatas

Pariter glorificas.

57. Quam ob rem te, Deus pie,
Postulo humillime,
Cito mihimet succurre

Cum patre, cum subole
Et ovi nimis infirmae
Gratiam iam tribue.

58. Da, precor, in te clamare
"Abba, pater, Domine",

Necnon atque "Iesu Christe"
simul, quaeso, dicere,

Quin et te, O flatus alme,
Vocare humillime.

59. Da timere, da amare,
Da frequenter colere

Patrem, prolem sanctum atque
Da flatum diligere

Toto corde, tota mente
Toto necnon pectore.

60. Esto mihi timor ingens
Atque amor vehemens,

Diligam te nimis timens
Timeamque diligens

Serviamque contremiscens,
Contremiscant serviens;