7. De Omnibus Sanctis.

1. Salve, redemptor Domine,
Qui passus es pro homine,
Nostra peccata hodie
Dele pro tuo nomine.

2. Salve, regina virginum,
Quae genuisti Dominum,
Hunc pro salute hominum
Exora, mater omnium.

3. Salve cum sanctis angelis,
Michael venerabilis,
Iuvamen miserabilis
Plebs petit et instabilis.

4. Salve cum sanctis patribus
Omnibus atque vatibus,
Baptista Christi, suavibus
Caelorum ciba dapibus.

5. Salvete, terrac principes.
Venturi quoque iudices,
Regni Dei participes,
Nos satiate pauperes.

6. Salve, felix societas

Martyrum, vestrum dignitas
Nos protegat et pietas.
Ne maculet iniquitas.

7. Salve, cum confessoribus,
Augustine, et doctoribus,
Nos ab inferni foribus
Custodi et doloribus.

8. Salve, o turba virginum,
Quae flores sicut lilium,
Precare Dei filium,
Ut tollat molem criminum.

9. Salveto, caeli curia,
Salva nos ab iniuria
Eripe et a furia
Hostis, qui nutrit iurgia;

10. Et post hanc vitam labilem,
Brevem et lamentabilem,
Nos semper fac amabilem
Dei videre faciem.