9. De sanctis Angelis.

1. Coram choris angelorum
Vox erumpat canticorum

In carmen laetitiae,
Voci vita sit unita,
Nova laude recensita
Caelestis militiae.

2. In suprema hierarchia
Dulci canant harmonia

Christo caeli cardines,
Sub electi monarchia

Gaudent novem melodia

Angelorum ordines,
Cum canora symphonia
Celso promunt euphonia
Mellitas dulcedines.

3. Assistentes trini trino,
Canticantes caelestino

Digna dant praeconia
Una throni cum Seraphim
Ministrantes et Cherubim

Regis ad obsequia

Intendentes sapientes,
Iusta quoque decernentes,

Praesident in gloria.
4. In secunda hierarchia
Clamant "Vale, vitae via,

Qui das tuis praemia"
Potestates et virtutes,
Dominationes, duces

Patrantes magnalia ;
Dominantes orbem ferunt,
Potestates bella gerunt,

Virtutes prodigia.

5. In extrema hierarchia
Radiante luce dia

Sunt, qui nos custodiunt,
Principatus principantes,
Arehangeli revelantes,

Angeli subserviunt.

6. O quam mira theoria,
Quod sub trina hierarchia

Praeter trinos ordines
Caelum terris reseratur,
Ut mens nostra rapiatur

Supra caeli cardines.

7. Horum prece, pater patrum,
Deus homo, frater fratrum,

Pone nos in gloria,
Et tu, virgo, mater matrum,
Confer lucem tollens atram

In caelesti curia.