10. De sanctis Angelis.

1. O virtutis infinitae
Artifex, aeternae vitae,

Tu conditor spirituum,
Ordinasti expolite
Novem choros trium rite
Ierarchicorum situum.

2. Unaquaeque ierarchia
Agmina sortitur tria

Distinctis cum nominibus,
Per hoc datur clara via,
Ut credaris mente pia

Unus trinus hominibus.
3. Ad hos facis sublevari,
Qui virtute pollent pari

Ex omnibus terrigenis,
Qui te debent contemplari
Et a quibus vis laudari

Iugiter cum caeligenis.

4. Fac nos pios, gratiosos,
Proximis obsequiosos,

Ut pares simus angelis.

5. Nos compassione mentis
Cum bonorum incrementis

Aequa virtutum statibus ;
Da vim hostis saevientis
Resistendi temptamentis

Similans potestatibus.
6. Fac, ut mundo elucremur,
Principatuum aequemur

Sic sanctis stationibus ;
Da, ut carni dominemur,
Qua subacta gloriemur

Cum dominationibus.
7. Per sinceram aequitatem
Ad thronorum paritatem

In cunctis nos rectifica;
Per noscendi claritatem
Ipsam puram veritatem

Nos Cherubim parifica.
8. Inflammati zelo toti
Pares simus impermoti

Sic ordini Seraphico;
His, o Deus, culpis loti
Conscribamur tamquam noti

In libro theographico.

9. Est beatum supergresse
Sanctis choris interesse

Spirituum et hominum,
Ubi vident tam expresse
Et collaudant indefesse

Semper te sanctum Dominum.