14. De s. Angelo Custode.

1. In virtute maiestatis
Illa, virtus angelica,
Sub cuius sum custodiis,
Mea te clamat anima.

2. Omni tua dulcedine

Semper praesens me refove,
Sit tua vigilantia
Mihi semper melliflua:

3. O tu mi princeps angele,
Cuius sacrae potentiae
Me commisit divinitas,
Quam colit christianitas.

4. Inter coetus angelorum
Te veneror ut proprium,
Inter coetus fidelium
Tu me custodi proprium.

5. Tu familiarissimus,
Tu sis mihi continuus
Et familiarissimum
Fac me tibi continuum.

6. Horis, momentis omnibus
Mihi fias assiduus,
Per omne vitae spatium
Me fac tibi assiduum.

7. Mentem meam tu protegas,
Corpus meum custodias,
Nihil adversi noceat,
Sed vis tua me foveat.

8. O quam mihi dulce esset,
Te videre, si liceret,
Si liceret osculari
Tui pedem vestigii.

9. Hic, precor, ut me diligas
Totumque te exhibeas,
Repellas adversarium,
Veritatis inimicum.

10. Per abrupta vitiorum
Si me ire perspexeris,
Pie reduc ad Dominum
Per catenam caritatis.

11. Non accuses infestanter,
Sed mulceas temperanter
Et de fonte maiestatis
Stillam funde pietatis.

12. Ut, quod meritis nequeo,
Tua sancta precatio
Obtineat apud Deum,
Qui corda novit omnium.

13. Hostis invidi callidas
Tu averte insidias,
Fraudes eius evacua,
Me tuum semper adiuva.

14. O mi custos dulcissime,
O mi custos carissime,
Serva sacras vigilias,
Ne expugnet impietas.

15. Et si permittit iudicis
Summe benigna pietas,
Notum diem meae mortis
Mihi, precor, ut facias.

16. Cum transibo de corpore,
Tu me potenter erue
Ex daemonum potestate
Et duc ad regem gloriae.

17. Ante cuius pium vultum
Me defenses excusatum,
Obtineas et veniam
Et praedulcem clementiam.

18. Quidquid hostis malitia
Accusant, evacua,
Ne valeat pars sinistra,
Sed evincat pars dextera,

19. Ut gaudeam de gratia
Mihi per te exhibita,
Tu vero de custodia
Congaudeas ministrata.

20. In caelesti civitate,
In qua gaudes assidue,
Tuitus Christi benignitas
Me foveat et claritas.