15. De s. Angelo Custode.

1. Veni, creator spiritus,
Et mentem tange caelitus,
Ut sanctum meum angelum
Honorem, laudem, praedicem.

2. Salve, patrone nobilis,
Venuste et spectabilis,
Honoro te, mi domine,
Honore laudis duliae.

3. Sit tibi reverentia,
Laus, honor, excellentia,
Es enim meus legifer
Et contra hostes signifer.

4. Es sidus totum rutilum,
Excellens solis spiculum,
Es lilium pulcherrimum
Florescens ante Dominum.

5. Tua potestas regia
Extendit se ad maxima,
In terra regis homines,
In orco arces daemones.

6. Eia, regalis domine,
Te rogo, in me respice,
Manum iutricem porrige
Et vitam meam corrige.

7. Cor meum serenifica,
Scriptnrae sensum resera,
Ad bonum mentem excita
Et vitiosa computa.

8. Temptatum clemens adiuva,
Aufer a me erratica
Et totam vitam perfice
Ad regulam iustitiae.

9. Fac fructus paenitentiae
Dignos in vita agere,
Ne culpis exigentibus
Disiungar a caelestibus,

10. In hora mortis ultima
Assiste per auxilia,
Fac me victorem omnium
Malorum occurrentium,

11. Ut tecum tandem gloriam
Nanciscar post victoriam,
Et creatorem entium
Laudemus in perpetuum.