19. De sanctis Apostolis.

1. O viri apostolici,
Legislatores incliti,
Vestris orationibus
Precate nobis veniam.

2. O vera mundi lumina,
Lustrate cordis intima,
Ut sciamus sagaciter
Vitare mundi prospera.

3. O saecli iusti iudices,
Sancte iusteque vivere
Ob pia vestra merita
Mereamur hilariter.

4. O lampades duodecim,
Fundamenta ecclesiae,
Firmate eam dogmate
Thesauris sapientiae;

5. Fortis in bello iugiter
Contra serpentis aciem
Sit circumspecta undique,
Ne foedetur peccamine.

6. Tenunc, redemptor, quaesumus.
Ut ipsorum consortio
Iungas precantes servulos
In sempiterna gloria.