21. De s. quattuor Doctoribus.

O doctores spiritales
Quattuor vos principales.
Nominatim bene noti
lllucetis mundo toti.
5. Excellenter instar solis
Documentis absque dolis.
Sicut mundo nil prodesset,
Si lux solis non adesset
Sic omnes excaecaremur,

10. Si per vos non doceremur;
Vestra dicta, scripta, facta
Puris veris sunt compacta,
Sanctae vitae tenent formam,
Recti iuris praebent normam,

15. Et doctrinis firmitatem
Dant per puram veritatem.
O magistri scripturarum,
Summi correctores barum,
Vera dicto confirmando,

20. Falsa prorsus refutando,

Exponendo dubiosa,
Nunquam fallit vestra glosa.
O quantum nos honorare
Vos tenemur et amare,

25. Qui hausistis nobis mella
Ex scripturae dura cella,
Triturastis nobis grana,
Quibus corda fiunt sana,
Et quae nos ad vitam pascunt,

30. Ubi nulla veterascunt.
Defensores veritatis,
Vastatores pravitatis,
Mallei haereticorum,
Lucernae catholicorum.

35. Vos sal terrae et lux orbis,
Medici a cunctis morbis,
Domus Dei provisores,
Vigiles dispensatores,
Commonentes Christi gregem,

40. Ut divinam servent legem.

Papa sancte, o Gregori,
Plus virtutum instas mori,
Augustine disputator,
Profundorum es scrutator,

45. Ieronime, tu es verus
Interpres, translator merus,
Es sermonis, o Ambrosi,
Summe firmi, minus rosi.
Summae gemmae vos doctorum

50. Et coronae confessorum,
Praedicantum firmamenta
Per sermonum ornamenta,
Brevi fine ut concludam,
Veritatem fertis nudam.

55. Hinc patroni hic electi,
Deo plebique dilecti,
Vos amantem instruatis
Veram viam caritatis,
Per quam sperat vester verna

60. Bene duci ad superna,
Ubi plena est sophia
In fruitione dia,
Nam semel Deum vidisse
Iam est cuncta didicisse.

65. Ut vos queam invenire
Et vobiscam cuncta scire,
IIIuc vestrum per iuvamen
Me perducat Deus. Amen.