23. Memore des saintes privilegies.
I.

1. Dionysi, radius Graeciae,

Fide regnum illustrans Franciae;
O Georgi, miles egregie,
Hostem vincens armis potentiae.

2. Christophore, tinctus in sanguine,
Christum ferens umeris flumine;
Blasi, praesul vivens purissime,
Plagas curans carnis et animae.

3. O Aegidi, cum feris habitans,
Regis crimen Karoli recitans,
Cum sociis, quod peto flagitans,
Sis, ne malis his sim periclitans.

II.

4. Katharina, tyrannum superans,
Doctos docens et rotas lacerans ;
Margareta, te castis foederans
Et draconis latera reserans;

5. Martha, Christum domi reficiens
Et draconem victum eiciens ;
O Barbara, idola fugiens
Tormentorum poenas despiciens;

6. O Christina, deos despiciens
Et de Christo victimam faciens:
Impetrate, quod sit compatiens
Deus mihi, vos peto totiens.