24. De sancto Acgidio.

1. Exstas, vir egregie,

Oriundus Graeciae

Partibus Athenis,

Genus ducis nobile

Theodoro patre nomine,

Pelagia matronis.

2. Iamque tunc dispositus

Aevo tener spiritus

Ad haec rudimenta,

Dum doctores laicos

Vincis et grammaticos

Gratiae per fluenta.

3. In templo pergis propere,

Nudum ditas opere

Veste sibi data,

Ubi aeger munere

Vestitur in corpore,

Passio fugata.

4. Sicque ab ecclesia

Dum hinc redis in via

Nuper a serpente

Gerens membra tune laesa,

Sed oratione fusa

Sanas hunc repente.

5. Raptus a daemonio

Clamitat Aegidio:

Hac me, pater, quare

Exire daemonio

More iubes solito

Hinc nec remeare?

6. Cumque multa talia,

Haec et his similia

Graecis ostendisses,

U........

7. Sicque pergis naviter

Arelaten, pariter

Cum tuis cousedes

Susceptusque hilariter,

Hospitae sed graviter

Natam vexat febris,

8. Cuius prece solita

Rogat te Theotrica,

Natae ut succurras,

A te sana reddita,

Matri quoque tradita,

Eremo te curvas.

9. Namque Veredemio,

Tibi par in praemio,

Dia adhaesisti.

Die quadam languido

Curam praestas subito,

Frequenter ut fecisti.

10. Intras tunc secretius

Eremum quantocius

Et gaudenter cernis

Tibi cervam divinitus,

Cuius lacte alitus

Es et terrae herbis.

11. Cum adis regem Carolum,

Quendam energumenum

Liberas in via,

Egressus dehinc filium

Principis iam mortuum

Suscitas ad vitam.

12. Lugensque rex facinus

Perpetrasse hactenus

Metuit fateri,

Egidio cum precibus

Commendavit artius,

Petens haec deleri.

13. Sed vir Dei caelitus

Agnovit regis facinus

In schedula allata.

Tuis quisque precatibus

Peccans non ulterius

Gaudet venia data.

14. Igitur te petimus,

Aegidi, cum fletibus

Per haec tua dona

A culpis, quas fecimus,

Liberari caelitus

Per acta tua bona.

15. Longum est et reliqua

Narrari et actita,

In mundo quae gessisti,

Ergo, caeli incola,

Laxa nostra peccamina.

Regi ut fecisti.

16. Tecum simus caelica

Recepturi praemia,

Christus ut promisit;

Vivens per haec saecula

Cum patre gubernacula

Tenet, ut praedixit

17. Semper et nunc iudicat

Saeclum, quod redemerat,

Substantia una.