29. De sancto Albano.

1. O Albane, Deo grate,
Coram tua sanctitate

Mihi, tuo servulo,
Clemens esto supplicanti
Et succurre deprecanti,

Ut sic in hoc saeculo
2. Christo possim militare,
Ne a cultu deviare

Videar iustitiae.
Mundo isto consummato
Et antiquo debellate

Principe malitiae,
3. Te rectore teque duce
Regnum Dei plenum luce

Introire valeam,
Ubi sanctam trinitatem
Eiusdemque maiestatem

Sine fine videam.

4. Martyr pie, martyr bone,

Pie pater et patrone,

Me iuvare propera,
Ut adversa me non lacdant,
Sed nec prosperis succedant

Mihi semper prospera.

5. Audi, quaeso, preces meas
Clementerque offer eas

Ante regem gloriae,
Pro quo mortem amplexatus
Nunc refulges laureatus

Corona victoriae.

6. Gloriose martyr Dei,
Miserere, precor, mei,

Peccatoris miseri,
Roga fontem pietatis,
Ut me salvet a peccatis

Et a poenis inferi.
7. Martyrum flos Anglicorum
Et coheres angelorum,

Mihi posce veniam
In delictis, quibus premor,
Apud Christum mei memor,

Eius ut per gratiam
8. Sibi digne deservire

Possim hic et hinc transire

Ad caelestem patriam,
Ubi tecum gratulari
Merear et contemplari

Divinam praesentiam.

9. Ora, martyr, pro me Deum,
Ne me damnet tamquam reum

In die novissimo,
Sed mundatum a peccatis
Collocet me cum beatis

In regno clarissimo.